新大馬女神Miko Wong（黃潔琪）今日（9日）以代言人身份出席WOW Fitness銅鑼灣分店開幕活動，慶祝該店以全新面貌投入服務。
今日除了祝賀WOW Fitness銅鑼灣分店開張，同時亦是WOW Fitness開業十周年的大日子。WOW Fitness的三位主創人Avis、Dan、Karl及拍檔Francis齊齊於台上分享品牌的大計，銅鑼灣分店設有女性專區及媽媽專區，讓女士於最舒適的環境享受健身樂趣，而健身業務將會持續發展，為客戶引入更多元化的器材及設施，未來更會發展美容院及健康產品，全方位照顧大眾對美麗與健康的追求。
為隆重其事，WOW邀得新大馬女神Miko Wong擔任首位WOW Fitness及WOW Beauty的代言人。無論體態及外貌亦相當出眾的Miko，在網絡界早已是女神級代表，社交平台坐擁逾92萬追蹤人數。早前，Miko宣佈開拓香港演藝事業後，短短三個多月已經先後攻陷電影、電視及網絡世界，並獲葉念琛導演邀請客串新戲、擔任ERROR成員肥仔(梁業)的MV女主角、為HOYTV及ViuTV拍攝旅遊及綜藝節目，並得到《試當真》、《小薯茄》、《FHProduction》及《機動電視台》等多個YouTube Channel加持，人氣大爆發！
Miko甜美可愛兼活力滿滿的形象，與WOW Fitness的定位不謀而合，因而邀請Miko為其品牌擔任首位代言，WOW Fitness更承諾要讓Miko的體態更上一層樓，全年免費上健身堂，保證讓女神練出馬甲線，並承諾有靚仔教練指導健身過程，Miko笑謂：「我梗係需要靚仔教練啦，咁啱我就單身嘅。」
她又感謝大會的邀請：「喺香港一段時間，之後去咗歐洲工作，啲肌肉都流失咗，所以要搵WOW Fitness幫幫手。同埋大家都知我好鍾意食嘢，尤其係香港嘅蛋撻同菠蘿包，加上之前去澳門拍了20日飲食節目，一有時間都會喺酒店房做運動，以保持最佳身形，以後有WOW Fitness嘅專業團隊幫忙，我就安心食，又有個舒舒服服嘅地方做運動，諗起每次都可以睇住個咁靚嘅景，流汗都流得開心啲。」
她大讚WOW Fitness對女性客戶非常貼心：「我知道佢哋有畀女仔做運動嘅專區，真係好好。有時做運動，個樣都唔係打卡咁完美㗎嘛，喺呢度嘅女性專區，就唔使擔心呢啲尷尬。」Miko最滿意自己的馬甲線，又鬼馬說：「好多線我都要，仲想搞搞個事業添。」特別喜歡銅鑼灣店的森林主題，有置身於郊外運動的清爽暢快感：「影相仲好靚添，啱晒大家做運動嗰陣，影相放喺IG story同朋友分享，哈。」
WOW Fitness合併原有的銅鑼灣店重新設計，整個銅鑼灣分店以森林風格為主題，特意設成的植物園景、柔和的色調，讓大家仿如置身大自然的環境下運動，達至真正身心解放的健身空間。
除了健身環境與設備，WOW Fitness銅鑼灣店的最強景觀，首推面對維港景緻的落地玻璃，於節日期間更可以欣賞煙花匯演，讓客戶在健身的過程中，眺望一大片碧綠蕩漾的海水，配合室內的自然風格，絕對是身心放鬆的最佳活動。
