top of page

久未露面「泰妹」仙樂都變靚媽復出賺奶粉錢


中泰混血女星吳堯堯(仙樂都) 久未露面,育有一女的她坦言有女萬事足,女兒現在兩歲幾,天天貼在她身邊親眼見證小女孩很多的第一次,相當鼓舞。日前仙樂都與形象指導許嘉浩(Karl Hui)一同到旺角出席泰國餐廳開幕活動,滿場飛的她表現相當興奮: 「喺屋企全天候專心湊女,好耐無自己私人時間的Me Time。宜家囡囡大個啲, 兩歲幾開始番下學前Playgroup班等佢見多啲人,識多啲朋友仔。咁我趁佢番學果幾個鐘,我又偷啲時間出去見下我自己好耐無見嘅朋友。適逢朋友邀請我去開幕,又係傳統泰國媽媽風味嘅泰國餐廳。有口福一解我思鄉之情之外,同朋友放鬆下傾下近況。呢啲咁爽嘅Job,不妨搵我多啲。」現場眼見仙樂都修身不少,似乎準備好狀態復出。她不韋言說只要配合到女兒的時間表,都可以接適合的工作:「要搵下奶粉錢啦! 女女又開始番下學又多咗開支,始終養小朋友都要幾百萬,仲可能物價通漲呢。」身為「泰二代」的仙樂都媽媽是泰國人。今次出席傳統泰國媽媽風味開嘅泰國餐廳試到泰式船麵、手打蝦餅等泰式小食都相當思鄉: 「所以頭先都有即席偷師,閒時又會問下泰國嘅阿姨,學煮餸啲簡簡單單又有傳統風味嘅泰菜。」她指與女兒的課餘活動都會一齊整簡單食物,讓她小時候已開始認識不同的食材。更會給她試不同的味道,好似泰式酸辣湯,當然給她一小滴,讓她也認知甜酸苦辣是甚麼味道。提到泰國最近有槍殺案, 仙樂都表示有留意,通常也在鬧市發生。有叮囑泰國親戚朋友出外多留意要小心,更希望不再有類似事件發生。


而形象指導許嘉浩(Karl Hui)表示很喜歡泰國美食和泰式按摩。即使只有兩、三日短假期也會飛一趟泰國見見朋友,吃吃泰菜:「泰國同香港咁近,加上最近都有啲做生意嘅香港人移居泰國兩邊住。之前飛去泰國都見到佢哋泰國嘅屋向海地方又大好Chill好Relax,都有心郁郁想喺泰國置業,得閒去渡假兩、三日放鬆下。」他又説十年前已受邀到泰國出席時裝活動,並在泰國的Fashion Show上發掘都很多有潛質的設計師,把他們的設計帶來香港。尤其喜歡他們做很多閃閃亮亮衣飾的設計,為較健康或深皮膚顏色的藝人在出席活動時有更多閃亮設計選擇。談到其母校玫瑰崗學校突然宣佈停辦, Karl表示消息公佈的前幾天才出席母校的晚宴活動,並為四位退休的老師祝捷。一直有跟母校老師和同學聯繫的Karl更不時回母校為活動擔任司儀和統籌工作。Karl當然想保留母校,更關注在校司生的安排,可以幫忙的地方都會幫忙。Karl更透露會如常出席玫瑰崗學校將於11月25日於將軍澳舉辦的65周年校慶晚宴。



9 次查看0 則留言

Comments


bottom of page