@jimsiujim #香檳式戀愛
今年三月，小占（英健朗）以唱作人身份走進樂壇，發佈首支半說唱形式的派台歌《消失的冥王星》，以輕快玩味的曲風，鼓勵在演藝路上未如理想的自己，相隔半年，小占再推第二支全新派台歌《香檳式戀愛》昨日（18日）已於各大平台正式上架！
由舞台劇演員到《全民造星II》，然後為電視台擔任主持，直到現在以獨立歌手的身份發展，小占從未放棄他的音樂夢，他說：「離開咗電視台咁耐，我發現自己依然好鍾意唱歌同演戲，尤其係我喺精神病醫院做嘢（小占是精神科護士），我見到音樂真係可以淨化人嘅心，我好希望可以藉住自己嘅歌幫到人，又可以維生，呢個係我嘅目標。」
新歌《香檳式戀愛》同樣是半說唱形式，由小占親自負責作曲及填詞，充滿夏日清涼感的曲風，玩味十足。新歌以香檳比喻「閃電式」戀愛態度，閃電拍拖、閃電分手，甜蜜的熱戀期就如剛剛開瓶的香檳，充滿氣泡與香氣，香甜可口；激情過後，就像香檳放久了，淡而無味，兩個人開始爭吵甚至失去愛的感覺，然後極速分開。
小占指靈感源自身旁的男同性戀朋友：「每次見佢都換男友，我哋成班朋友都羨慕㗎。呢個朋友嘅愛情觀係，『如果啤酒冇咗氣，你會唔會飲？總之有氣嗰陣飲過、醉過說夠啦，冇咗氣，夾硬飲都冇意思，不給開支新嘅。』初初我覺得好衰，但係諗諗吓，如果將呢套放落10年、20年嘅感情入面，其實道理都一樣。」小占認為勉強的感情無幸福，當感覺不再倒不如灑脫放下，於賞味期限裏好好珍惜彼此：「灑脫都唔等於曾經嘅感情係假嘅，所以我就寫咗『就算今天酒醒也曾醉過』」。
新歌《香檳式戀愛》的MV已於社交平台上架，這次他邀得好朋友兼宅男女神李蔓瑩（Renee）擔任女主角。兩人在沙灘上喝香檳、嬉戲、幾乎頭貼頭的壁咚場口，MV的末段小占更緊抱女神Renee，如此超近距離接觸，小占笑指全屬演技：「Renee係我圈中最好嘅朋友，我入行第一個女拍檔就係佢，所以MV女主角諗都冇諗其他，一定要邀請佢幫手。但係我哋太熟啦，MV入面要好甜、好甜嗰種，點知我哋成日忍唔到笑，係咁NG，導演仲嫌我哋唔夠Sweet。」
小占透露這次的MV拍攝過程一波三折，原定找來於電視台合作多年的導演朋友幫忙，可惜拍攝前數天，導演不幸感染COVID，唯有延期拍攝：「之後因為檔期問題，我搵咗另一位導演朋友拍，點知佢都中咗招，又要再延遲，好彩最後都順利拍到，拍嗰日個天仲好藍、好靚，完全配合晒首歌個夏日風，真係好開心。」
小占2023年第二支全新派台歌《香檳式戀愛》現已上架!
《香檳式戀愛》MV:
《香檳式戀愛》
主唱：英健朗（小占）
曲：英健朗
詞：英健朗
編：Sonny P.
監：Logout Fan
每次見到那個女孩
腦海中就會咁樣叫
Uh-Oo~ Buk-Ah~
咕嚕咕嚕咕嚕咕嚕哇
奇怪喇 點解嘅
我個心仲會
boom-boom boom-boom 咁樣跳
唔通 呢啲就係成日聽人講嘅一見鍾情
放晴 共你唱K睇戲食飯直落猶如情聖
旅程 就算間中有雨也會載心和聆
聽得到你發自肺腑的笑
胡亂跳 然後又會像氣泡般嬌俏
其實愛邊個人 都需要勇氣
尤其看見女神 更要儲一儲氣
好比 要拎開 冬天 冚住你 暖笠笠嘅嗰張被
Just in case 你唔想同佢只可以係一晚企
企企理理 你咪理佢當你係步兵定阿四
幻想 可跟她於海邊卡夫卡式的唱和
Hoo～
遇上她驅使我遺忘對錯
停轉的一天彼此的新三觀也已惹禍
Hoo～
就算今天酒醒 昨天也曾醉過
再次見到那個女孩
腦海中 又再咁樣叫
Uh-Oo~ Buk-Ah~
咕嚕咕嚕咕嚕咕嚕吓
奇怪喇 點解嘅
我個心唔再
boom-boom boom-boom 咁樣跳
唔通 我對佢已經無晒感覺喇
愛情 個個講到細水長流但無憑證
費城 再次到訪嘆息身邊已無情
人間的繾綣縱是再多嬉笑
還是要 讓你讓我利劍那般出鞘
曾經
想跟她於海邊卡夫卡式的唱和
Hoo～
遇上她驅使我遺忘對錯
停轉的一天彼此的新三觀也已惹禍
Hoo～
就算今天酒醒 昨天也曾醉過
流星 Wa La La
於天空閃閃的飛身跌墮
Hoo～
似香檳樽一開 氣泡也曾「卜」過
小占 Official Instagram：
小占 Official YouTube：
