日日苦練廣東話 計劃主持、拍劇集、拍戲多方面發展
率先攻入四大 YouTube Channel拍片試水溫
//
游學修旗下的《試當真》率先播出Miko新片，Miko闊綽地大送賣到斷市的簽名寫真予試當真阿康。
新大馬女神黃潔琪（Miko）早前在香港書展推出第二本個人寫真集《Miko・琪幻日記》，書展簽書會首日旋即秒速售罄，上月來港宣傳期間盡顯女神號召力，Fans們除了迫爆書攤，更迫爆整個活動場地，成為最強人氣的新大馬女神！
甜美可愛的Miko，除了深得Fans喜愛，更吸引多個品牌及電視台的注目，成為火紅新竉兒！正身處台灣工作的她，將於8月10日再度來港，Miko說：「原本10號係計劃嚟為寫真集做第二轉宣傳，無諗到香港嘅朋友咁熱情，寫真集喺書展就賣晒，然後就知道香港有工作邀請，真係太驚喜啦。今次嚟香港會出席品牌活動，希望今次有時間去行下啦。」據悉，各大電視台及網台均向Miko招手合作，亦不乏品牌合作邀請。
書展簽書會迫爆場內書攤，寫真網上炒至一千元，成為最強人氣的新大馬女神。
雖然大馬及台灣的工作已經密密麻麻，但Miko笑指自己是工作狂，為了報答Fans的熱情呼召，她立下霸氣宣言要攻入香港！Miko說：「我成日都同經理人講廣東話，訓練一下自己嘅廣東話，我好鐘意香港，已經好掛住香港嘅炸燒賣同雞蛋仔，希望多啲嚟香港可以日日食到！」
至於下星期來港的行程，Miko坦言仍未有日程表，只是知道會出席一個品牌活動，並與不同界別的公司洽談工作：「今次只可以再嚟五日，因為之後要趕返大馬拍劇，都未知有冇機會同Fans見到面，所以希望嚟緊有多啲工作喺香港，咁就可以留耐。如果你哋喺街見到我，記得要同我打招呼呀！」
提到她來港發展的大計，Miko揚言自己完全不設限：「我唔想限制自己，主持、網台、電台、拍劇集、拍戲，咩我都想試，當然品牌活動同廣告都好好。我真係好鍾意香港，因為有你哋，同埋香港有好多好嘢食，哈！」
上次Miko來港期間，除了出席書展活動，已經與「試當真」、「小薯茄」、「機動電視台」及「非實力派」四大YouTube Channel合作拍片。昨日（3日）趁滕毅康（阿康）生日，試當真率先播出Miko與阿康的「行山約會」，兩人齊齊行上姻緣石，行到身水身汗之際，她親自為阿康印汗，面對女神的甜蜜「突襲」，阿康即時怕醜仔上身，場面搞笑。片中阿康問女神的擇偶條件，Miko心儀的男士竟然是大叔型：「我鍾意成熟、大叔型，最好有少少肥，有啲肥係加分，我覺得男他肥係OK，喺佢隔離會顯瘦嘛。」
兩人求過姻緣後，又互相交換禮物，Miko飛台灣宣傳，阿康更非常有心到機場送別Miko。「阿康真係好可愛，佢好識照顧女仔，同埋佢有份毅力，我好欣賞。我知道今日（4日）係佢十八歲生日，嗰次拍片已經同佢預祝咗啦！你哋有睇片都知，佢仲差我一個願望，唔知今次嚟香港，可唔可以當面要求佢呢？」其他頻道的短片，將會陸續推出，Miko表示非常期待：「因為拍嗰陣好開心，佢哋個個都好得意，又錫住我，我都好想睇吓拍出嚟嘅片。」
左: Miko更任商台《公子會》嘉賓, 與火火、合照。
右: 活動遇《全民造星V》參賽者被圍住一同劉翁、森美合照。
Comments