top of page

真BL唱作組合「新田公路」登場 第三首原創單曲《好想大聲講我喜歡你》日系MV融合港式情懷 重現年少時的心跳回憶肆無忌憚真情流露 温柔而感動的男男熱吻


由田中(田見超)與小新(許紹燊)這對大男孩組成的真BL唱作組合「新田公路」,2023正式出道!兩人的名字曾經藉由真人騷《調教你男友》及《全民造星III》走進觀眾的眼簾,他們的真誠、可愛感動過不少男女,旋即成為網絡人氣話題。那突如其來的注目,田中與小新感到既興奮又迷失,三年過去,他們終於回到最自在的重心,以音樂作基調,温暖藏於這個都市的人心。


組合「新田公路」先後推出兩首單曲,年頭有充滿幽默感的《It’s OK》,然後是散發着寂靜美的《睡前的自我練習曲》,兩者都由大學修讀音樂的小新擔任創作總監,負責曲詞及監製部分,田中是主唱兼「吉祥物」擔當,小新說:「我負責創作同音樂部份,佢就係吉祥物,喺我眼中吉祥物好重要,因為有啲嘢佢做到我做唔到。」言談間流露真BL的互信與默契。


來到8月,新田公路換上夏日青春氣息,推出第三首原創作品《好想大聲講我喜歡你》,融合台式清新與日系流行搖滾曲風,繼續透過音樂訴說他們的故事。由《It’s OK》的無所謂,到《睡》的孤寂日常,新歌《好想大聲講我喜歡你》,描述的是愛情與遺憾。


無論你喜歡的對象是男還是女,是怎樣的人也沒關係,重點是你有沒有勇氣迎接那份純粹而珍貴的愛?「我諗每個人都唔多唔少有啲遺憾,但係遺憾唔係壞事,當你大個咗回頭睇返,嗰份遺憾其實畀咗好多滋養我哋,甚至係一份成熟嘅勇氣。你會因為嗰份遺憾,令自己更加有經歷,更加珍惜而家有嘅人同事。」小新說。


《好想大聲講我喜歡你》的MV現已於YouTube上架,田中與小新於MV裏回到校園時代,兩個性格南轅北轍的男孩,陪伴彼此渡過最沉悶的校園生活,男孩與男孩的日久生情,最後卻沒有開花結果。MV尾段,兩人於鏡頭前濕身激吻近兩分鐘,田中笑謂:「完全唔尷尬呀,不過睇返playback覺得自己錫得好醜樣,個口擘到好大,好似俾催狂魔吸緊個靈魂咁,完全唔似人哋偶像劇,哈哈。想叫小新剪晒佢。」小新鬼馬指「激吻」純粹是宣傳技倆:「其實係,為咗谷首歌!講笑啫,我唔覺得有咩要避忌,少人做,唔代表唔可以咁做呀,日本、泰國、韓國、英國都大把BL劇,幾好睇呀。咁當然都真係劇情需要,個MV咁樣先表達到嗰份遺憾嘅感覺,亦都係呢份遺憾令我哋更加成長。」


這對真BL唱作組合,自資出歌、拍MV、前中後期,甚至宣傳亦親自上陣,小新說:「決定咗要做就盡力做好佢,我哋首歌hit到當然好,但最重要都係想畀聽嘅人有份支持同陪伴,如果新田公路是但一首歌、是但一句歌詞,可以入到某個人嘅心裏面,就已經好開心。」




《好想大聲講我喜歡你》MV:


新田公路官方網站:


新田公路官方instagram:


新田公路官方YouTube Channel:

16 次查看0 則留言

Yorumlar


bottom of page