top of page

可嵐宣布再度有喜 • 懷孕不忘增值自己


近期多位藝人相繼宣布懷孕消息,而今日歌手可嵐亦宣布再度有喜。這是她自上年下旬宣布誕下次子Herik後,在2023年再帶來的好消息!原來可嵐與另一半已有共識,希望有三個小朋友,看來目標已達成!


但懷著新生命的可嵐依然不忘保持著忙碌的本色,最近更考獲200小時瑜珈導師牌,而且是全班考第一,看來可嵐産後又可以多一個範疇發展:「原本生完細仔後想做瑜珈修身減肥,其實自己做瑜伽多年但係對瑜伽只係一知半解,既然有興趣就想再清楚知道每個動作更多嘅細節同注意事項,所以索性去報讀導師課程。幫到自己之外,又可以幫助其他人,何樂而不為呢?點知個小插曲就係上課時發現自己越上越肥,原來係因為再次有喜。」問到可嵐今次畢業成績又咁好,有無人要特別多謝,佢回應:「今次非常感謝導師同同學照顧我從孕期中順利畢業啦!仲有好多謝彭晴,因為我實習試時邀請咗彭晴做我嘅白老鼠,上咗我教嘅一堂哈達瑜伽課。但係不得不讚佢真係好有運動細胞,拱橋同倒立都難唔到佢,傾開先知原來佢早就考左健身教練牌添,真係睇佢唔出呀。畢業之後都會趁著孕期繼續進修孕婦瑜伽導師課程,希望可以同更多孕媽媽分享!」



8 次查看0 則留言

Comentarios


bottom of page