top of page

李紫昕Purple姐姐大唱經典卡通兒歌吸引大批家長粉絲


兒歌天后及全球華人傑出青年李紫昕博士(Purple姐姐)早前出席全港最大型課外活動教材及用品博覽2023暨課外閱讀文化節嘅活動,今年更獲擔任為「活動宣傳大使」,在開幕中為小朋大手持嘅盆栽進行象徵傳承及栽培的淋水儀式,傳遞訊息非常有意義。而周日還喺展覽會主舞台舉行了 「紫昕有你mini show」,現場獻唱多首兒歌深受歡迎,壓軸唱出嘅卡通兒歌medley,大家也很有共鳴,而Show後也在「紫昕音樂世界」嘅展位舉辦了小型簽名會,Purple逐一同粉絲們簽名及拍照留念,場面非常熱鬧!


Purple表示今年係第2年參加ECA EXPO,今年展位比上屆更大,有足夠空間擺放各式各樣製作精美嘅「紫昕音樂世界」紀念品如原子筆、紀事簿、保溫陶瓷杯等等,還有親子小手工「DIY書簽」,吸引好多小朋友參加,仲有不少家長報讀不同兒童課程 ; 今次對於自己嚟講係一個好開心嘅參展經驗,既可同我嘅學生唱歌表演,又可比學生們多些表演機會,吸收更多演出經驗,總括嚟講係好難忘同好夢幻! 而今年ECA EXPO展覽比上屆更多姿多采,有好多新嘢如滑雪、魔術、VR等等比小朋友試玩、試堂呀! 因為今年係疫情過後舉行,所以人流特別多,亦覺得呢度集中同包羅萬有!其實同學仔同家長們都好需要有唔同嘅活動同課程,故此「紫昕音樂世界」亦推出咗不同課程元素如「小小舞台童星班」、「口才訓練班」、「扮鬼扮馬律動伸展課程」、「兒童拉丁舞」、「口才訓練班」、「迪士尼MusicShow」等等,比家長們喺今個暑假有更多選擇。


另外Purple提到完咗今次課外活動展後,接著5月25日都會以活動官方推廣大使出席《親子頭條》喺 亞洲國際博覽館主辦嘅『兒童書展暨超級親子用品展』, 同時下星期好榮幸出席鄭國江老師演唱會擔任嘉賓,向鄭SIR致敬唱兒歌 ; 同時又要準備8月份嘅全新音樂劇「女王教室」,今次亦會係屯門大會堂演出5場,由於呢個劇目是全新,所以亦投放咗不少時間在音樂歌曲創作方面 ; 而疫情後見到一切復常亦好開心,亦Keep住每個星期都出席好多唔同嘅活動,無論做Show、展會、演唱會、音樂劇仲有好多學校嘅巡迴演出,實在好忙但都好開心。



58 次查看0 則留言
bottom of page