自上屆「有波齊齊踢」慈善足球賽、《一樣的天空》慈善電影及誠品書店《有書齊齊讀》一系列活動，為有需要及對足球有熱誠的小朋友帶來了很多歡樂時光。除了每星期有系統及專業足球訓練外，「有波齊齊踢」主辦單位「易希堂」陳坤希小姐希望鼓勵小朋友全人發展，克服艱難的心態、培養團體精神、培養讀書習慣和創意科技文化。
「有波齊齊踢」重點慈善活動「有戲齊齊睇」《斷網》慈善場，日前(3月10日) 假坐圓方「Premiere Elements」舉行，並於場地11個影院同步播映，共籌得六位數字善款。
《斷網》導演黃慶勳、電影中主演演員黃德斌、黃耀煌、顧定軒Zeno、鄒文正與及易希堂創辦人及宏希文化傳播有限公司董事陳坤希小姐、睿智科普教育協會、溫楊候律師事務所、晉峰栢禧足球學院負責人等均有出席，更在台上與「有波齊齊踢」小朋友互動，而代表上台的兩位小朋友即場展示球技，看到一班演員都技癢。原來導演與一眾演員均有踢開足球，亦經常看球賽。
導演黃慶勳喻小朋友運動要輸得起
導演黃慶勳表示十分支持小朋友多運動，並謂他的外甥也是足球愛好者，每逢外甥落場比賽，全家人都會出動到場打氣，「我成日同外甥講，輸唔緊要，最緊要知輸喺邊度，一定要輸得起，輸咗唔好灰心，長大就會明白呢句說話。」
黃德斌唔敢同小朋友踢波
黃德斌大讚「有波齊齊踢」計劃有意思，「這樣可以幫助到很多小朋友完成他們的足球夢想，現今香港小朋友讀書好辛苦，運動可以放鬆壓力，我間中都會與朋友的小朋友一齊跑步。」有冇同小朋友踢番場波？他即耍手擰頭：「哈哈，我邊夠佢哋踢呀，佢哋充滿精力，踢波當放電。」
黃耀煌讚顧定軒《斷網》扮腦癱演技
顧定軒(Zeno) 與鄒文正聽到與小朋友落球場切磋，馬上同聲笑言：「叫佢哋（小朋友）教番我哋就差唔多！」再談到在電影《斷網》戲中飾演林家楝胞弟，患有腦癱，其中一場戲，他在床上昏迷著，郭富城與林家楝在他的床下底對打，他表示：「睇嚟好似瞓覺，好似好易，但要保持抽搐，同埋身體不正常扭曲好長時間，其實好攰，拍咗兩三日，每日拍20個鐘，拍完僵硬晒。」而黃耀煌亦大讚Zeno演技。
「有波齊齊踢」計劃由易希堂創辦人陳坤希小姐主辦
今次慈善電影之所以這麼成功，特別鳴謝中啟國際物流集團有限公司Mr.Crispy Chan、鴻圖工程(香港)有限公司Mr.Rave Lau、Loft Square Interior Design Limited Ms. Yan Chan、港基鵬業工程有限公司Mr.Joe Lee、港雋國際咨詢有限公司王印飛先生。
「有波齊齊踢」計劃由易希堂創辦人陳坤希小姐主辦，目的是贊助基層有需要的小朋友接受有系統正規足球訓練，希望透過計劃提供一個渠道給小朋友實現足球夢，合資格人士每星期能夠至少訓練一日，亦有機會與上海的足球學校合作舉辦交流團，讓小朋友擴闊視野。