top of page

睽違三年演戲作品 蔡瀚億首擔劇集男一 被網民捧為另一神劇


剛於上星期五(2月3日)晚播出大結局的viuTV原創劇《大誠實家》找來一班實力派演員擔綱演出,雖然劇集被安排於賀歲檔期播出,卻未有成為「炮灰」,更獲大批網民力撐此劇為《IT狗》後又一優質神劇。

 

實力派演員除了DEE@ERROR、李敏、陳子豐、黎濟銘等,要數到相隔三年未有戲劇作品推出的蔡瀚億(BabyJohn),近年轉戰主持範疇,代表作《晚吹-空肚講宵夜》令他更為入屋,首為viuTV拍劇即當男一,其演出獲大批網民讚賞,特別第九集播出由BabyJohn飾演盧文乃爭奪撫養權會見福利官一幕,令觀眾一同流下不少淚水,指《大誠實家》是BabyJohn《狂舞派》後又一戲劇代表作。

 

「演技好好!好多幕都好深刻,希望多啲睇到你演出!」、「BabyJohn多謝你嘅演繹,好感動呀。原來喊戲係唔需要有兩行眼淚都可以咁有滲透力!」、「做得好好,情感表達得好有層次同自然,希望將來可以見到你更多唔同劇集嘅演出,加油!」。

 

獲得網民大量留言支持,BabyJohn表示讓大家久等了(他的戲劇演出),說:「第一次擔正劇集做男主角冇壓力,今次嘅劇本同製作團隊用咗好多時間去準備同修改先開機拍,所有嘢都喺充足嘅準備同溝通下完成,好開心大家喜歡呢部劇集。」

 

另外,劇集播出不久即有網民提到BabyJohn似日劇《半澤直樹》中的堺雅人,BabyJohn亦有回應說:「至於網民話我似半澤直樹(堺雅人)唔係第一次,好幾年前已經有人提過,佢係一個我非常欣賞嘅演員,而呢套劇亦都好好睇,所以大家睇我嘅演出會聯想到佢,多謝網民嘅讚賞。」

 

2023年是BabyJohn入行十周年,除了剛播完的電視劇外,亦有電影《殘影空間》即將於二月下旬上映,看來BabyJohn於今年會以演員身分全面回歸。



網民留言截圖:



31 次查看0 則留言

Comments


bottom of page