昨日（8日） 下午， 藝人邱芷微及其男友陳志忠的演藝學校「星元素」與商會合辦的朗誦比賽在西九龍中心舉行新聞發佈會。多位藝人朋友出席支持，包括：馬嘉均、菁瑋、譚嘉荃、秦啟維、「口罩小姐」徐蒨寧及一班「中年好聲音」學員等等。活動中，嘉賓們都分享了比賽心得，更有人問能否用說唱（RAP）形式朗誦去取更高分數。
成功戰勝胃癌的陳志忠，與女友邱芷微兩口子一直並肩作戰。除参與幕前演出外，經過三年多一起刻苦經營的兒童演藝學校今天亦造出點成績來，更希望通過比賽宣揚愛與和平的訊息：「過去三年疫情，本港學生嘅校園生活受到非常大嘅影響, 大部份時間都只係能夠用網課學習。特別係新生一代喺疫情前後出生嘅小朋友受到嘅影響就更加嚴重。好多小朋友都缺乏與人接觸及溝通。令到社交技巧、情緒管理以及自信受到影響。今次比賽希望可以訓練小朋友建立自信心，提升語言能力，情感表達，係舞台上嘅自我心理控制以及舞台上嘅表演技巧。而今次更加突破過往傳統。將舞台表演以及藝術創意注入比賽。希望小朋友除咗學習文化學術之外，更加可以發揮表演藝術潛能。另一方面，希望小朋友透過參與今次活動可以明白正面價值觀，發揮互助互愛精神，令社會有更多愛嘅能量。」
除本身比賽之外，他們亦聯同了商會一起舉辦了一些慈善朗誦課程，為一班觀塘區及深水埗區低收入家庭的小朋友提供一些訓練。當導師之一的「賈名媛」邱芷微亦遇上一些趣事：「上堂嘅時候， 一啲小學學生佢哋都唔知我係邊個。但當教到一啲中一或以上嘅學生，有一次佢哋終於忍唔住問我係咪一個演員， 仲問我有冇做過電視劇。然後佢哋就好驚訝咁講『原來係你！ 你就係大小姐嘅敵人！』後來佢哋都好感激朗誦班搵一個專業演員嚟教佢哋！」
而其他嘉賓分享經驗時，不約而同地說出比賽心態不應太著重結果或獎項，反而在比賽過程中學習的得著更大！