top of page

本地大型戶外舞蹈表演《Figure OUCH!》鍾舒漫、黎美言、王君馨、衛詩、吳嘉禧推廣本地舞技 與學員跳爆全場向Y2K致敬


#FigureOuch #FigureOuch2022 @FigureOuch @AurumEntertainment

本地大型戶外舞蹈表演《Figure OUCH!》將於本月28日,在西九文化區舉行,為推動香港舞蹈及音樂文化,讓大眾更進一步支持、關心及尊重每位舞蹈及音樂接演者。大會除了邀請17位來自不同派別與舞種的導師參與演出,更邀得5位熱愛跳舞的本地藝人鍾舒漫(Sherman)、黎美言(Winkie)、王君馨(Grace)、衛詩(Jill)、吳嘉禧(Cheronna)化身學員加入不同Show Piece與舞者不分彼此傾力地表演,誓要跳熱全場,讓大眾享受熱情、熱力、熱血的舞者音樂派對。

為了打破傳統,“Figure OUCH!” 更邀請到不同派別及舞種的導師參與演出,其中包括:「Bonnie」 、「Crystal」、「EmChu」、「Geoff 」、「HeroC」、「Katherine」、「Kelvin」 、「Kinki」、「LamBo」 、「LilYin」 、「Linga」 、「Monbiella」、「Nigel」 、「PoHon」 、「PuiPui」、「Sze」 及「Yip」。他們擅長不同舞種,由大眾喜愛的Hiphop,Jazz,K-pop,到別樹一格的Krump,Tricking不等,讓觀眾能接觸欣賞更多不同類別的演出。


是次表演以Y2K為主題,Sherman說:「我好希望可以着重喺Y2K年代,因為好努力去做跳唱文化,嗰時好多人喺香港做都好難,未必咁容易接觸到觀眾,宜家就唔會啦,所以我就搵咗同樣都係2000年出道嘅跳唱歌手。」Grace直言可以同台表演非常難得:「以前都有機會跳舞,但可能揀歌都係公司決定,公司話跳咩就跳咩囉,但係可以參與埋creative嘅部份,以前就真係少有,所以大家會睇到幾唔同嘅我哋。」她表示很欣賞其餘四位藝人,特別是Cheronna:「Super Girls嗰陣我就識佢,但係第一次認真睇佢MV係佢有份填詞嘅《無利可圖》,我覺得佢pretty hot。」


Cheronna指她們出道的年代,整個制度與現在亦有所不同:「嗰陣有演出嘅機會難度好高,可能香港人欣賞嘅眼光,又未去到我哋呢度。今次難得有個咁大嘅舞台,除咗我哋,仲有好多需要機會演出嘅學生、老師,難得可以因為熱愛跳舞喺呢個台出現,我覺得好感恩。我未試過去Showcase,同跳舞老師同台,成件事好青春。」她大讚她們很堅毅,是自己的學習對象。Jill認為她們每人都有自己的風格,而且每個人亦對跳舞充滿熱情:「我哋只係想享受跳舞,我哋只係想have fun。」


Winkie笑指初出道時,每人也可能經歷不同的海選,但當時要跟隨排舞師的安排,未能跳出框框建立自己的風格:「嗰個passion好勁,五個人嘅時間好難夾,但係都可以手拖住手去跳,真係好難得。」她分享排舞時的搞笑事,坦言大家都不是小女孩扎扎跳的年紀,已經是成熟的女性,因此休息時間,大家都研究如何保護腰骨:「一齊拉多啲筋,要養生啦!」Winkie的演藝學校學生亦會參與演出:「有啲學生7、8歲咋,佢哋真係好勇敢。」Sherman坦言出道多年,當中有些跳唱歌手會放棄,但在座的藝人都有熱情繼續跳:「平時睇佢哋嘅reels,睇到佢哋會加入宜家嘅舞蹈,好有energy。」她又自爆對Jill有私心,因為Jill以跳舞形象出道:「嗰時我都未入行,我仲去買佢隻碟,但係之後少咗跳舞,我真係好想好想佢可以enjoy返呢樣嘢,真係好想好想。」


《Figure OUCH!》當晚更會加設Cypher區舞蹈交流時段,大會邀得曾與不少本地大型品牌及活動合作的DJ Sidtrus帶動氣氛,有7年打碟經驗的DJ Sidtrus,在EDM界備受關注,今年他的作品於音樂平Spotify,積累播放逾35萬小時、橫跨122國家、超過110萬聽眾!當晚,在Cypher區最前排的觀眾,只需踏出一步,展現你的光芒和魅力,更會獲得豐富禮物以示鼓勵。Cypher區更提供極佳座位讓觀眾觀看及參與是次活動,支持上場表演的朋友。Cypher區門票人仕更可以預早下午時段進場觀看及支持他們的朋友綵排!


《Figure OUCH!》 Dance & Music Culture Event

演出日期及時間|2022年12月28日下午7時

演出地點|AXA x WONDERLAND | 安盛x竹翠公園

門票價格|HKD $880 (VIP) / $680 / $480 / $280

售票網站|https://tix-get-go.kktix.cc/events/figureouch2022





4 次查看0 則留言
bottom of page