Rocky鄭健樂今日在灣仔會展出席《第15屆健康博覽》，他以健身達人身份同現場觀眾齊齊做5分鐘健身操。Rocky精神奕奕不停呼籲大家每日要抽5分鐘時間出來做運動，示範了多個簡單易明動作，包括空蹲(Air Squat)、凳撐體(Chair Dip)及二頭肌彎舉(Biceps Curl)，大家無論在公司工作、公園散步抑或在家睇電視，都可以做到。Rocky不停叫大家唔好懶唔好俾藉口自己，每日堅持5分鐘， 一日抽幾次5分鐘，持之以恆，就會見到成績。尤其是疫情，知道好多朋友及長者更加關注健康，所以一連三天在健康博覽做健身示範，希望帶到健康訊息給市民！
現場觀眾有幾位公公婆婆好熱情衝上台想一齊同Rocky做示範操，好彩Rocky醒目，為了唔好令佢地失望，一次過請曬佢地一齊上台，一齊操一齊玩，之後仲大送健康飲品比現場觀眾，仲齊齊擺健身pose影大合照。
現場還遇到家燕姐來做講座，大家也來一張大合照。