top of page

袁偉豪新歌《馬路英雄》MV照率先睇家英哥友情主演扮特務老大首次一手包辦曲詞編監唱


袁偉豪(Benjamin)近日推出第二首個人單曲《馬路英雄》,這次更是他首次一手包辦曲詞編監唱,歌曲靈感來自他於馬路上駕車的各種經歷及所見,以幽默的形式表達出來。


《馬路英雄》MV Benjamin 邀請了羅家英(家英哥)及楊埕(Sabrina)友情主演。MV以復古風拍攝,Benjamin飾演一名特務,家英哥則演特務老大。為了增強MV故事性及刺激感,導演安排了復古跑車,更加入馬路追逐、槍戰等情節,花盡心思及不惜工本。


而MV女主角Sabrina感到十分榮幸:「非常高興今次能夠參與呢個MV拍攝,雖然拍攝過程好長,由朝早到凌晨,但成個團隊都好專業,製作相當認真。當中唔少大型動作場面,例如飛車、揸槍等都係我第一次,覺得好新鮮同學到好多嘢。最高興係有幸同Ben哥(袁偉豪)及前輩家英哥合作,覺得好感恩同期待MV推出。」


Benjamin首次包辦曲詞編監唱,在歌詞創作上,Benjamin 以簡單直白的方式列舉了不少現實在馬路上所見情況,副歌部分的「Boom Ba擺ya擺下冇打燈超速cut線P仔週街見」及「Bom你又擺ya擺吓 咖啡哥幫你出票心肝卜卜跳」等更是非常洗腦又寫實,更有網民於社交媒體留言大贊:「聽到body都擺ya 擺吓」「揸車就聽這首歌」。


編曲方面,他亦花盡心思:「呢首歌我親自包辦曲詞編,而喺監製上亦有所參與。最開心係成首歌曲嘅配樂編排上亦可以親自參與,尤其喺聲音錄製方面,我哋希望令到聽眾們可以感受到喺馬路上嘅危機同暢快嘅感覺。」而新歌MV快將面世,希望屆時能帶給大家耳目一新的感覺。



20 次查看0 則留言

Comments


bottom of page