上月突然宣佈誕下次子的歌手可嵐，趁住中秋節相約好友鄭伊娜、潘敬祖及蘇煒喬等於家中為小兒子舉辦百日宴下水禮。由於疫情，未有邀請太多賓客，並於家中設置泳池讓兒子與小朋友們玩水作樂。
眼見小兒子肥肥白白，可嵐話BB順產出世時原先只有6磅6：「出世後一直餵哺全母乳，但係吸收得好好，早兩個星期去醫生度打預防針時，醫生都唔信佢未夠三個月就7.5公斤重，要護士磅左三次黎證實，證明後勁凌厲，長得好好。」
可嵐指百日宴當日係小兒子Henrik第一次游水，但係完全無喊，而且一落水已經可以在水中悠然自得地慢慢游，笑言係水虎年出世，果然係隻水老虎，可望長大後有機會培養成為香港下一條飛魚！
而前亞姐鄭伊娜（Ena)同潘敬祖(Felix)前年在中秋節分享女兒芊豆B出世嘅喜訊，所以一到中秋節Ena就會諗起佢出世時候嘅樣：「我仲記得當時後見到BB嘅第一眼，心諗個頭仔好似月餅咁大咋！細細粒！」今年中秋節，她帶着女女祝賀閨蜜可嵐細仔嘅百日宴。做咗小姐姐嘅芊豆B好開心話要攬攬BB，好溫柔咁摸摸BB面仔、頭仔、手仔同腳仔，仲話：「BB好得意！好鍾意小BB呀！」
