施匡翹(Zaina)全新形象為第一首唱跳新歌《Stay》拍攝MV,突破過往乖乖女形象,以野性造型大騷長腿



施匡翹(Zaina)今日以全新形象為第一首唱跳新歌《Stay》拍攝MV,Zaina突破過往乖乖女形象,以野性造型大騷長腿,在兩位性感女舞蹈員伴舞下勁騷唱跳潛質,令人眼前一亮。



Zaina對新歌《Stay》玩大突破,感到滿意及開心:「我以形象比較斯文清新,今次試下野性感覺扮惡魔,想給大家新鮮感覺,仲有宮庭feel,仲有一場戲玩火,啲火好近,其實我好驚火,不過拍得好靚,為了效果豁出去,最後成功克服恐懼。而今次MV唔止有呢D造型,仲會有好多個唔同造型,而團隊非常強勁,搭左好多好靚既景,不過依家就賣個關子先,請大家多多期待新歌《Stay》。」


Zaina表示一向熱愛跳舞,一直好想有一首屬於自己的跳舞快歌,她感謝唱片公司及經理人公司給她機會:「我知道依家市道唔太好,而我仲有機會錄新歌,已經覺得自己好幸福,好珍惜。希望市道快D好番,期待更多工作機會。」



17 次瀏覽0 則留言