疫情期間，不少歌手都舉辦網上音樂會，與樂迷互動一番，而這股風氣也蔓延到HIFI碟界！而有「亞洲Carpenter 」之稱的HIFI碟天后方文 (Astor)也不例外，她為一眾粉絲帶來網上音樂會，更邀請了不少身邊不同音樂界別的老友歌手及樂手當嘉賓，包括：李樂詩、張佳添、漢洋、文佩玲、黃劍文、啤梨（葉文輝)、譚嘉荃、李雯希、劉建中、張家銘、方俊、韋綺姍、李偉等等，而即將也會有方麗盈、歐陽德勛和杜德智，為鐵粉們能重溫昔日金曲！
對於搞直播，Astor直言壓力超大：「因為我哋Live Show每次都有不同主題，老友們每個人都可能擅長唔同經典歌手嘅歌曲，要配啱嘅人已經係一個難度。然後嘉賓又有機會揀同一位金曲歌手嘅歌，如果撞咗又再分配，就會變咗另一個難題。好在老友們都好錫我，盡量同我配合。」
至於樂手方面，Astor的音樂會可算是人強馬壯：「一般直播音樂會都可能都只有一至三位樂手伴奏，但我哋試過一場最多有六位音樂人，連埋我同一兩位嘉賓就八個人一齊喺直播間。其實HIFI界好著重音質，希望將最好嘅音樂帶比大家。
而我自己亦希望推介不同出色嘅樂手比歌迷，所以我哋有時編曲會中西樂一齊合奏，令到件事更加豐富！再加上自己都係唱片監制，與不同歌手也合作過，所以歌曲編排都希望能帶出唔同特色。」