現場率先播放 《極限 Took My Heart》 MV. MV有影帝任達華(華哥) 飾演「車神」, 性感的郭奕芯(Ashina) 飾演「車神女」， 而寸寸貢的景峰及鄧月平(Larine)分別飾演「挑機男」及「挑機女」。 MV內驚險的追車場面真係由華哥同景峰親身上陣。仲有兩部靚車， 分別係藍色絕版Subaru STi 22B同埋紅色EVO VI響路上飄移， 成隻MV得到錢家班飛車特技組兄弟鼎力支持拍攝, 出來效果就好似一套迷你動作電影， 充滿故事性及爆炸力。 華哥仲醒左景峰一句︰「be yourself」！ 前輩金句真係終生受用！
另一首新歌係動漫節主題曲《勝者之戰》(Knock Out)。 今屆動漫節個主題係『重拳出擊』， 真係同景峰首歌一模一樣重拳出擊, MV播放首1分鐘， 台上邊有陸智夫國術總會(幼獅隊)派出13位小朋友及SEN教育中心跳豆教室數名小朋友一同在台上表演白鶴拳， 氣勢如箭在弦, MV一邊播放， 景峰一邊耍出一套自創功夫， 同時還要兼顧現場唱歌表演， 之後再加入自己班底一同表演功夫， 再一齊來過後空翻， 節奏明快， 現場無論係大人或小朋友， 個個都睇到嘩嘩聲， 掌聲如雷， 無論台上台下大家都超high。
景峰︰『好開心呀, 終於等到動漫節, 等左兩年。 我一定要先多謝動漫節個邊， 搵我做大使， 仲比左咁大的舞台比我地表演， 大家手上的新聞稿， 兩幅咁型的單曲封面， 分別係邱福龍老師同埋曹志豪老師作品. 超開心， 有大師加持。 其實認識我的人都知我超鍾意動漫世界， 呢4日唔使諗， 日日都會響動漫節見到我。』
景峰︰『仲要多謝陸智夫國術總會(幼獅隊)派出13位成員， 個個都好勁; 要多謝SEN教育中心跳豆教室嘅小朋友， 佢地都只係練左幾次已經可以係台上表演， 手腳協調得好好， 仲好有自信添； 仲有當然要多謝我個班底， yeah， 個個都好好身手。』
景峰︰『仲有幾個好重要的人一定要多謝︰ 任達華(華哥)、錢家班飛車特技組、鄧月平同埋郭奕芯、叔叔， 有佢地幫忙先可以順利拍到隻MV。』
點解會一次過打孖出2首新歌？ 景峰︰『我自細熱愛香港動作電影。早期香港動作電影以武打片為主，演員一般用兵器、劍術、拳腳、真功夫，後期加入危險特技，例如追車、爆炸等，令電影更緊張刺激，帶來更多變化。黎到我呢一代， 動作電影一定會有︰飛車、打拳、槍戲， 所以今次一次過推打拳歌同埋飛車歌, 希望提醒番大家香港動作電影光輝的一面。』