李璧琦探訪老友記挑機唱歌仔



疫情以來歌手李璧琦(Becky)自2020二月第一波開始一直致力關心不同介別社群、由為未能撲到口罩長者分發抗疫物資、到綜援唐樓劏房家庭探訪及關心其只能留家的孩子等。可惜後期各院社封閉,直至日前終於能夠到上水古洞探訪老人中心,跟獨居婆婆公公一起做手工,一起唱歌,十分融洽:「我特意揀咗鄧麗君及耳熟能詳嘅歌同佢哋唱,希望可以藉此練氣開聲提升健康!點知唱完佢哋已猶未盡,竟然喺櫃桶拎本歌書出嚟話要同我繼續唱!


老友記真係好可愛!其實疫情期間,家人互相探望都會減少,有些住喺偏遠嘅老友記自然會覺得寂寞,我希望探訪佢哋會帶多一點温暖比佢哋!好開心終於通過一個商會同一個基督教團體,参與咗今次活動!希望續部開放可以關心更多不同需要群體!」


至於工作方面,她表示好開心見到疫情有好轉跡象,音樂會和活動亦相繼恢復,而自己亦正籌辧一個音樂表演有關的活動:「詳情待落實後會公佈。見到疫情其間有好多樂手失業,呢個活動其中一個目的就希望可以幫到同業,互相扶持啦!」




24 次瀏覽0 則留言