張若希你以前萬聖節有冇出去玩？
以前都好想出去蘭桂坊睇吓萬聖節人哋扮鬼扮馬嘅氣氛㗎
但始終都沒有去！但係街上都已經見到好多準備去party嘅人化晒妝有啲仲好有創意好恐怖添！終於喺上年第一次跟Vikki姐姐去萬聖節嘅party感受一下喇！
如有，仲試過扮咩鬼？有冇搞笑事？
我曾經睇過一套電影，我想化到似這套戲裏面嘅小丑咁，好陰森又醜様恐佈！
結果vikki姐姐化咗一個可愛小丑妝比我，睇落好搞笑⋯
Vikki姐姐話襯番我性格喎⋯ 雖然未夠恐怖但係我都好鍾意呀！嗰晚玩得好開心呀！
Vikki姐姐幫忙化咗今年 Halloween 呢個鬼妝，用咗20分鐘咗右，佢同我一邊化一邊陰陰笑㗎！好似好大整蠱咁嘅樣！我合埋雙眼，好期待好享受呢個化妝過程，因為我好少機會化到自己咁誇張同恐怖様！我也不時照鏡睇到自己嗰様覺得都好醜樣⋯如果我做埋表情就更加恐怖！其實我都好喜歡誇張嘅感覺，覺得好釋放！之後都忍唔住要扮演喪屍⋯嚇到狗狗松松向我好不安地吠起來⋯超搞笑啊！
