• KS Media HK

2019寫真網紅主播-宣娜(Sheena)著封面Cosplay裝比粉絲私影


今年書展寫真戰的新血:「17人氣第一女主播」宣娜(Sheena)推出處女性感寫真集勤力密密宣傳,一連三日以不同造型現身動漫及電玩節,連最後一日都風雨不改盛裝上陣。有「動漫女神」之稱嘅Sheena以性感Cosplay造型現身後,又化身「一小時店長」在動漫店舖繼續力谷寫真集,幫動漫迷簽書,呢日動漫特別版仲會依粉絲頭像即場畫Q版公仔,別出心裁。

期後,Sheena又以寫真集內其中一個「糖衣女孩」造型現身宣傳,仲同粉絲一齊去大舞台睇自己好鐘意嘅日本樂隊Band Show,搖滾一番。諗頭多多嘅Sheena透露將於今個星期日舉行「生日期間限定私影會」,化身私影Model比龍友鐵粉在Studio任影。佢話一眾鐵粉都買齊「白貓」同「黑貓」造型雙封面,亦都有好多龍友粉絲喺直播時段逐一討論各造型的拍攝角度同Pose造型。所謂「情人眼裏出西施」,每個人眼中對Sheena最靚嘅角度都唔同,宜家就有機會比粉絲做Sheena女神寫真封面嘅專屬攝影師!

生日期間限定私影會當日Sheena會變裝Cosplay番性感處女寫真「白貓」同「黑貓」雙封面拍攝時嘅造型,比佢地私影,影出你心目中專屬角度的Sheena寫真封面! 仲有愛心Lunch一齊食,互動遊戲同大送寫真特別禮物。Sheena嘅鐵粉紛紛讚活動好creative,由於名額有限,佢地仲爭住報名,笑言好似上網爭買一票難求嘅演唱會飛一樣。


9 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!