• KS Media HK

曾於酒吧Happy Hour傾成百萬公關生意勁呀 ! 許嘉浩(Karl)

更新日期:8月 17


形象指導兼藝人許嘉浩(Karl)出名喜愛夜蒲,亦係飲得之人。 日前Karl於尖沙咀金巴利道出席全新蒲點DKLM BAR & Restaurant 開幕典禮,以行動支持好朋友開業。Karl說幾年前大家都諗夜蒲一定喺蘭桂芳,最近呢兩、三年其實多左好多尖沙咀、銅鑼灣嘅中小型特色酒吧。除左有DJ音樂打碟同飲嘢外,仲多左Beer Pong、Slap Cup等投球遊戲,增加同新朋友互動,各有特色。

講到新酒吧是眾商會友人集資投資,Karl表示Idea不錯:「佢地都自己有自己business,在公在私都有咁多朋友,每人每日帶一班朋友嚟撐場𣈱飲都一定Full House。」

問到人脈甚廣的Karl有否打算跟友人合資新生意? 他説:「我都有好多新奇有趣嘅創新Ideas,讀書時仲同2個schoolmates參加中學生創業大賽並獲獎,禮物係試過開實體店營運。營運期間體會好多實體經驗,要識計數同安排各崗位的人手。最重要係近年租金確實貴! 會等有閒餘時間管理生意和租金飆升幅度無咁大的最佳時間才考慮開舖做生意。」

喜歡飲酒和品酒的Karl更不分日夜都能喝酒,有時Happy Hour喜歡喝一些較light的Gin酒,Cocktail或白酒。他更說二十歲時遇過每天習慣去Happy Hour喝日本清酒及啤酒的日藉客戶。 少年時已練成一定酒量的Karl難忘有一次與這名日本客人參加博覽會後一起去Happy Hour摸酒杯底。

日本客人一開始想不到這二十歲的少年那麼能喝,喝多兩杯後Karl更愈來愈放膽跟這日本客人以流利英文提出大膽和創新的公關宣傳策略。意料不到的是與日本客人在Happy Hour邊飲邊傾得十分𣈱快,最後更在2小時的Happy Hour內傾成該日本美容品牌其後一年的百萬公關宣傳生意。

談到距離四年一度的全球足球盛事即將開鑼,Karl表示己mark好時間表與友人到酒吧睇波𣈱飲,更接了世界盃活動,與一眾「世波女」與球迷一齊睇波。 (相片由PR公司提供)


25 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!