【即時亮點】香港唯一代表 練樂儀Alina 征戰韓國水族館 為比賽練到嘔吐練樂儀 Alina 岀征韓國人魚比賽辛苦到嘔

「香港美人魚冠軍」練樂儀（Alina Lin）近期代表香港出征國際比賽，以香港唯一參賽者身份，遠赴韓國出戰「MFI國際美人魚及水舞比賽韓國站2026」（Mermaid and Underwater dance Competition Korea Cup 2026），與來自越南、台灣、日本、荷蘭、泰國…等世界各地的高手同場競技。Alina全程單人匹馬飛去比賽，濟州轉機清洲，冰凍水族館內比賽，絕對係毅力考驗！

孤軍作戰唔怕孤獨：成日都一個人飛

Alina笑言今次係「香港隊唯一人代表」：「哈哈，全程得我一個香港人參賽，我成日自己一個女仔飛來飛去工作、商演、比賽，已經習慣咗！」

零下氣溫跳水族館：凍到震都要頂硬上

比賽場地係大型水族館，落水後寒意依然刺骨。Alina透露：「幾度天氣下落水比賽，真係好辛苦！但我堅持要想世界各地睇到有香港人魚參加賽事，就算出錢出力出心出時間，都頂硬上！」

高難度動作練到嘔：一口氣做七個指定動作

講到比賽中「魔鬼細節」，Alina直言今次常規指定動作為艱難：「一口氣下潛做七個流暢又穩定的水中指定動作，有好多旋轉同自轉的游動。」為咗練好呢套動作，佢出發前不停練習：「練到水底頭暈、嘔吐，體力透支到盡晒全力！」