Alina人比花嬌 化身「花仙女」現身維園花卉節2026

練樂儀（Alina Lin）今日現身維園香港花卉節2026，連續兩年獲邀擔任花藝模特，時裝騷以「金」為主題，穿上由真花打造嘅「黃金系列」戰衣，全身鋪滿金黃色花朵，由頭閃到落腳，一出場即刻成為全場焦點，吸引大批龍友瘋狂按快門！

全身鑲花行Show 笑言：蜜蜂唔好嚟！

Alina呢套「黃金花仙子」造型絕不簡單，裙身鑲滿黃金蘭花、滿天星等鮮花，配上金色假髮頭飾，行起Catwalk時花瓣隨風飄揚，仙氣十足。佢受訪時忍唔住爆笑：「我照鏡唔認得自己，變咗一個金髮西女人。」

佢透露：「花藝Catwalk同平時行騷好唔同，要就住啲花唔好整爛，每一步都要溫柔，但行完都係遍地黃金、金喜連連，幾好意頭。」

回顧上年2025維園花藝節，Alina身上用上紅玫瑰和紅色百合製造，紅色就代表了火，在台上走動，尤如一幅活動的花畫，非常吸睛。Alina表示：

「花藝時裝不僅展現了花的美麗，也是對自然界的讚美。」她又將花比喻女性，只有自信的女人，便可以在生活中如花般燦爛綻放。她對今次獨特的妝容十分滿意，指化妝團隊超級專業，用噴槍給她定妝！