帝鋒金銀幣慶祝十周年 亞儀盡展臂力贏取獎品黃榕爆對方「被仔𥄫」

帝鋒金銀幣(香港)有限公司（以下簡稱「帝鋒金銀幣」）今年成立十周年，為慶祝這個重要里程碑，帝鋒金銀幣今日起一連七天在銅鑼灣，舉行「擸銀磚家大力士挑戰」活動，首日已吸引逾六百名市民熱烈參與。展望未來，帝鋒金銀幣也將繼續秉持「取之於香港，用之於香港」的理念，致力於回饋社會、教育下一代並支持社區服務需求。

活動邀請亞視一姐亞儀、黃榕、葉小妍、林作出席，期間眾人參與「捧銀磚」遊戲，只要限時以單手舉起銀磚，即可奪得價值26萬多港元銀磚。亞儀表示自己旨在參與，與銀磚無緣：「我唔夠力攞起，太重啦！雖然近排都有跟黃榕做運動，不過佢做得太激烈我跟唔到，同埋去到啲人眼望望，我覺得好奇怪，都唔知望咩。」黃榕隨即表示對方「比仔𥄫」，笑言對方大有市場：「去到GYM Room佢多人𥄫過我啦，不時有人搵佢合照，仲有人抄佢牌添！我相信佢好快上岸，呢啲銀磚到時佢大把。」

而葉小妍對銀磚遊戲非常雀躍，可惜最終都失敗而回：「銀磚好貴啊，你知做音樂乜都貴，如果攞到就抵消幾首歌嘅開支！依家我都努力緊工作，睇嚟都要抽啲時間做吓運動練大隻啲，再唔係跟老闆學吓投資，令自己可收支平衡。」