鍾雨璇街頭獻唱大批市民圍觀 Ophelia人形紙牌搶手 粉絲開出高價買回家攬住瞓

已更新:2021年9月6日


MAGGIE BEAUTY代言人鍾雨璇(Ophelia, 前名蘇慧恩)於周末來到銅鑼灣行人專用區出席宣傳活動,其間Ophelia於街上演繹新歌《Save a life》及幾首經典流行歌曲,吸引數十名市民圍觀。獻唱後,Ophelia與現場觀眾互動玩問答遊戲及大派禮物,市民踴躍參與,當中一位七歲小妹妹贏得大獎,開心跟媽媽與Ophelia合照。


Ophelia表示:「呢排好忙成日唔夠瞓,但我都會得閒就去美容院叉叉電,保養下自己啲皮膚,所以今次可以擔任美容院代言人好開心,賺到錢又幫到自己。」


另外,今次宣傳地方擺放了一個1:1比例的Ophelia全身人形紙牌,粉絲爭住跟「紙牌Ophelia」合照,更有粉絲稱想用$3,000買回家「攬住瞓」,Ophelia聽完都忍不住笑,「估唔到我嘅人形紙牌咁值錢,我助手仲建議應該印多幾個出嚟賣,咁就可以賺番一筆!」Ophelia笑說。



130 次查看0 則留言