倪辰（Lala）推出第四首個人單曲《無床共枕》，是繼去年年末後再次發行歌曲，而今次作品更是由Lala首次親自作曲，亦是首次與音樂監製黃安弘（James）及填詞人鍾晴合作。
Lala 對《無床共枕》的推出一直十分期待，除了因為是她首次親自作曲的作品外，歌曲的故事靈感亦來自Lala過往一段異地戀的親身經歷：「大概五、六年前，當我仲讀緊書嘅時候，一次同朋友去台灣遊行時，機緣巧合下識咗我當時嘅一個台灣男友，果陣時我讀緊書無咩錢，好難經常飛過去台灣搵佢，而有工作嘅佢就會每個月一兩次飛過來香港搵我，每次見面時間都好短暫，所以特別珍惜。隨著時流逝，慢慢發覺當有需要愛人喺身邊嘅時候，都只能夠隔空通話，有時候見到身邊朋友同佢地嘅伴侶迎影不離，都會覺得好羨慕。兩個人之間嘅猜疑亦因為距離而慢慢增加，最後雖然好唔捨得，但大家最終都選擇放手。」
著名音樂監製黃安弘首次與Lala合作，大贊Lala有潛質：「對於一個第一次作曲嘅歌手來講，Lala今次新歌所創作嘅Melody可以話係相當好聽。而錄音時，Lala嘅唱歌同咬字嘅表現亦相當好，作為監製嘅我都唔需要點執，只係於感情表達上俾左一Ｄ意見，而佢都拿捏得好快，所以我都幾欣賞Lala。」
作詞人鍾晴表示對Lala這首歌的故事方向也感共鳴，因疫情的影響下，也聽說過不少異地戀戀人的故事，無奈分隔異地，甚至連已結婚夫妻也不例外，不少珍貴時刻也不能共同經歷，只能遠距離的與對方隔空分享，連理應的同床共枕也不能實現，感覺是有名無實的，但也只能無奈接受。
Lala則表示十分幸運能與黃安弘監製及填詞人鍾晴合作推出這首歌，認為這首歌曲的故事貼合現時社會的實際情況，疫情期間有不少異地戀的戀人們都不能經常相聚，比以前更加是聚少離多，而倪辰希望藉《無床共枕》這首歌，以自己的經歷陪伴著這些在痛苦中迷失的愛侶們，重新振作。