倪辰嚟到佐敦king's私人健身中心進行演唱會前特訓

演唱會正式倒數2個月。今日倪辰嚟到佐敦king's私人健身中心進行演唱會前特訓。健身零經驗嘅倪辰，將會接受團隊一星期3日嘅密集式操練。飲食方面亦會配合，開始戒澱粉質及保持少油少糖，務求喺演唱會以最佳身型及狀態示人。

同時為準備跳唱偶像Blackpink嘅歌曲，倪辰專誠邀請著名排舞老師輝sir同團隊協助，等倪辰嘅表演能夠展現活力同性感嘅一面。

迎接未來2個月嘅唱歌、健身、排舞日程，倪辰喺社交媒體話「希望你哋之後認唔到我」。往後佢將會持續喺社交媒體上載演唱會前嘅準備。