景峰講出MV由來及表達意思：
我好想拍一個MV表達自己對香港社會的愛，告訴大家，社會上有很多愛！
社會日常生活遇到大大小小問題，原來身邊有人可以幫忙解決，而且不追求回報，不用答謝。
今次整個MV用狗仔穿梭8個故事之中，從中輕輕鬆鬆，就可以幫到身邊人解決問題！
興趣篇：年青人在街上玩busking, 可以發揮自己對音樂的夢想和熱誠！
情侶篇：年青人愛情故事！
藝術篇：咖啡師是一位拉花藝術家，要有創作靈感！
機械篇：對自己物質的愛，自己東西自己維修！
家庭篇：低頭族盛行，容易疏忽照顧兒童，但當發現兒子有危難時，父母的愛便立即表露無遺！
團隊篇 : 團隊精神是兄弟的愛！姊妹的愛！很熱血！
科技篇：老人家跟不上科技發展，生活上帶來問題，但同時間科技又可以把人類拉近距離！
重遇篇：地球上不單有人類，人類亦要依靠大自然才可以生存。幫狗狗尋回主人，正正表達對動物的愛！
MV係我送給香港的情書！
新歌及MV首播會現場嘉賓：
鄧月平（Larine）帶同狗狗嚟撐場
Larine: 可能大家都唔係好知道，其實我同景峰同埋Soda 都好熟㗎, 而且仲成日見面！我之前都聽景峰講過，會拍一隻MV講失散左的狗仔，我嗰時都即刻問佢，MV入面點樣幫佢搵返個主人？ 聽完佢介紹個MV 有咁多個劇情之後, 真係覺得好好！ 見到佢好有心做首新歌，而且可以帶出一個咁正面嘅訊息，所以佢一打電話嚟問我，當然兩脇插刀，一定嚟撐場！ 希望大家都鍾意呢首新歌 《你我情在》。
景峰講出首當MV導演及細訴製作過程感受：
第一次做MV導演，整個MV用上微電影手法拍攝。
我相信大家都知我想做武術指導，我不是一個真正歌手，唱歌好普通，我只想把握今次的機會，用MV拍攝來學做導演，學寫劇本，自己去找場地，跟細節，希望這樣做可以成為一個真正藝人！
雖然事事親力親為， 當然不是我一個人做，後面有好多朋友幫忙客串, 例如有藝人吳天兒及簡思恩, 當然唔少得佢一班動作兄弟, 今次不用打後空翻, 反而要踢波. 當中難度最高一定係寶貝柴犬仔, 要Soda集中精神在8個不同場地拍攝及交戲, 仲要唔好給周圍路人及其他狗仔吸引, 真的不容易. 好彩Soda真是好有演戲天份, 每次拍攝前同佢講, 要點做點做, 佢又真係好似明白, 可以好自然咁流露出來, 仲玩到好開心, 大家都話要比個Like比Soda仔. 所以今次MV真正主角是Soda仔。
拍這個MV，我聽了好多人的意見，改了好多次場景內容，而家MV出世，我好想多謝我班幕前及幕後朋友, 多謝他們很信任我，更加要多謝Soda! 有人問我，是否花了很多心機教導及訓練佢，其實我覺得係佢訓練緊我！