回復單身半年藝人許珮榆（Diva），雖然感情暫時未有著落，但亦不乏追求者，最近Diva更遇到追求者送上價值200多萬的名錶，但因對追求者「無Feel」，所以決定退還名錶給對方。
過去曾獲男仔送數百萬鑽石戒指
其實Diva並非首次收名貴禮物，她表示：「以前曾經有男仔送過一隻價值幾百萬嘅鑽石戒指俾我，最初我唔知咁貴以為係假（鑽石），到咗知道係真嘅後，真係受寵若驚，非常開心，因為我以前曾經在的士遺失過一隻價值百多萬嘅鑽石戒指，所以收到呢份禮物後，有種失而復得嘅感覺。」
Diva 獲追求者送上百萬名錶。
「神女無心」決定退還名錶給追求者
最近，有追求者送上百萬名錶給Diva做禮物，但今次「襄王有夢，神女無心」，Diva決定將名錶退還給追求者，她說：「追求者係生意人，最初我同樣唔知份禮物咁貴，直到有日我同一位鍾意收集名錶嘅朋友high tea，先知呢款Richard Mille系列手錶價值200多萬港幣，如果係一個我鍾意嘅人送俾我，我一定會開心到訓唔著，但無奈對呢個追求者無Feel，所以決定將隻錶還番俾佢，唔想對方有幻想。」
因疫情損失六位數字收入
在新冠疫情影響下，不少藝人都收入大減，Diva亦不例外，她苦笑道：「本來國內有夜場邀請我去打碟，每場打碟有$70,000酬勞，但無奈因疫情關係未能往返內地，令我損失六位數字收入，希望疫情可盡快完結，可以正常接Job。」
Diva 最初不知名錶價值，直至與一位名錶專家好友high tea才知道。