二人派發福袋給長者
武打演員龐景峰(Andrew)擔任本地非牟利慈善機構「兩地一心」愛心大使，聯同另一位愛心大使藝人陳婉婷於3月28日(星期日) 出席由「兩地一心」舉辦的 [愛心活力福袋慈善日] 派發福袋活動。 活動旨在送上零食、糧油食品及防疫用品送給基層小朋友及受疫情影響以至開工不足的家庭，並由龐景峰即場教授小朋友簡單強身健體操，讓小朋友感受到滿滿愛意，開開心心、健健康康迎接復活節！
「兩地一心」愛心大使龐景峰及陳婉婷親自炮製朱古力雞蛋仔
龐景峰及陳婉婷星期日一大清早前往工場，準備親手炮製雞蛋仔送給小朋友。
有工場老闆David落場傳授心法：二人先穿圍裙，有板有眼落力開蛋醬料，將雞蛋、砂糖、麵粉等係咁攪，由於接近復活節，景峰要求加入朱古力，搗蛋的龐景峰就唔停加入朱古力碎，落多d，仲話自己自創獨門秘方，希望做一底應節的復活朱古力雞蛋仔。
婉婷將蛋醬倒入雞蛋仔機，反轉雞蛋仔機烘熟另一邊，景峰用刀仔小心翼翼刮走雞蛋仔機外多餘的蛋醬，起蓋，再一步一驚心將雞蛋仔整塊挑起，唔可以整爛，否則前功盡廢。成功! 景峰忍唔住大叫，而且賣相仲唔錯。
二人忍唔住立即試食，又真係唔錯。老闆仲送個雪糕球加上雞蛋仔給他們一齊食 二人齊聲話「今日個早餐絕配! 」
之後等雞蛋仔放涼，放入雞蛋仔格，再入膠袋，封口，大功告成。
見到一盒一盒的雞蛋仔，景峰興奮說:「好好玩，下次要整其他味雞蛋仔。」
婉婷就落足100分心機去學整，「初初都有d擔心，好彩焗出黎又幾好樣，希望小朋友會鍾意啦! 」
兩人親力親為，親手捧住一大箱雞蛋仔，出發前往油塘。
景峰即場教授小朋友基本強身健體操
小朋友最初也怕怕羞羞， 經過景峰悉心指導， 再有靚女姐姐陳婉婷不斷為小朋友打氣， 小朋友開始一個一個跟著做， 跳跳紮出盡力， 原來簡簡單單fing手fing腳都可以鬆筋， 對小朋友來講，完全冇難度，之後一人捧著一個福袋及啤啤公仔，又繼續跳跳紮跑回家。
活動後感想
活動完成後，兩位大使仍然很興奮，景峰說:「見到叔叔、婆婆、小朋友個個都好有活力，攞住個福袋，有d小朋友即場拆開黎食，有d小朋友做健身操時，有自己意見，要教我點做 …… 聽到佢地的歡笑聲，見到佢地的開心樣，今日真係好有意義。」婉婷說:「今日行程好充實，學識整雞蛋仔，同小朋友一齊玩，多謝『兩地一心』的安排，仲有好多義工朋友們的幫忙。」
龐景峰首次整雞蛋仔，有板有眼。
雪糕加雞蛋仔絕配，景峰、婉婷忍唔住已經搶先試食。
完成啦，二人準備出發。
龐景峰及陳婉婷擔任本地非牟利慈善機構「兩地一心」愛心大使
二人童心未泯，派福袋前先攬攬大會啤啤
真係有好多物資，兩對手都攞唔曬
二人與小朋友一齊做運動
小朋友收到福袋，仲有啤啤公仔，超開心
主辦機構頒發感謝狀給景峰及婉婷，義工們一起大合照