• KS Media HK

劉威煌4月30日麥花臣Rebirth音樂會長話短說 Rebirth 音樂會主題曲


4月30日開音樂會原因:

由去年四月份開始,每一個星期五劉威煌都會在網上開直播同一眾網友互動傾計唱歌,由40人同時觀看到高鋒3000人同時觀看,呢一段時間一眾網友發起希望我可以開一個音樂會同大家真正見面,而我經過詳細考慮,決定約定在今年4月份開一次個唱,剛好4月30日也是星期五,籍此紀念一下我直播一周年以及可以同一眾網友真實見面。


rebirth 呢個概念係原於希望成個世界都可以重生,我地去年被疫情飽受影響,連出街食飯一些基本日常都變得唔容易,日常娛樂例如演唱會、電影都要被逼暫停,所以今次可以成功舉辦到今次音樂會,希望業界可以再有生氣,另一方面希望每位都好似得以重生,重新出發。


音樂會主題曲:『長說短說』

今次呢首主題曲名是長話短說,希望用呢首歌去紀錄過去一年發生在我直播中既人和事,我時常希望可以長話短說,但經常變成短話長說被一眾網友取笑,因為我真係一個口水佬,歌名因此而成。


為多謝過去一年網友既支持,歌詞結尾『在心中永遠』,不用說太多,希望大家知道我既心聲,而曲風都一改我既風格,用輕鬆輕快容易記既旋律,帶比大家好心情,非常感謝詞曲編監一手包辦既葉肇中,佢一直在音樂及人生路上陪住我,所以真係好清晰知道今次新歌既方向。


MV用上一鏡到底既方式去表達過去一年既心路歷程,當中所有出鏡既朋友都係真真實實在過去陪伴住我既朋友、網友,沒有一位是演員,而拍攝導演都係我一位好兄弟man ho,太清楚我想要表達既東西,所以一切都好順利,出黎既效果大家都好滿意。


最後希望疫情快快過去,百業興旺,rebirth!



7 次瀏覽0 則留言

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!