• KS Media HK

倪辰好雀躍同黃安弘老師做音樂交流


其實倪辰你都做過好多次線上音樂會啦,咁今次會唔會有d唔一樣呢?「平時都係自己一個人,但今次有啲唔一樣,喺3月19號我會同著名監製黃安弘James一齊Crossover做音樂分享會。終於唔係自己一個人喇。」


咁今次又會唱咩歌呢?「平時我好少唱男仔歌,但今次就會唱好多黃老師作嘅男仔歌,包括有許廷鏗既《螞蟻》、《仁至義盡》、《登對》。其實係我認識James之前,已經成日聽佢既歌 。但黃老師既歌都好高難度而且大部分係男仔歌,對我黎講係好大既挑戰,希望今次既crossover 會有火花啦哈哈。」


今次同黃安弘合作有咩感覺?「同到黃老師合作真係好興奮!對於我來講,作曲填詞好新鮮,除左唱人地既歌之外,我地都會搞搞新意思。最近見到James同佢囡囡既新歌,覺得好特別。膾炙人口嘅情歌佢就好拿手,但係兒歌都作埋真係令我眼前一亮。同埋趁住今次綵排乘機邀歌(笑),希望可以同James合作做一首歌,做音樂交流。」


Lala不如講幾句呼籲下:「大家記得留意我3/19既music live喇!同埋今次仲有個神秘嘉賓同我合唱添!賣個關子先哈哈哈。

另外喺呢度都祝James同埋霖霖嘅新歌《What makes me beautiful 》大賣。」



7 次瀏覽0 則留言

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!