• KS Media HK

倪辰(Lala)拍攝《Season of Love》情人節音樂特輯


臨近情人節,倪辰(Lala) 2月8日為她準備已久的《Season of Love》情人節音樂特輯進行拍攝錄影。Lala原來早已秘密練兵,為配合是次情人節的主題,特意準備了八首冧歌:「其中有兩首歌係我嘅偶像王力宏嘅《唯一》同埋《Forever Love》,亦都演繹左鄭融最近嘅新歌《多喝水》。仲有一隊我鍾意咗好耐嘅樂隊啲Dear Jane嘅歌《不許你注定一人》,亦都演繹左陶喆嘅《愛很簡單》等,其他就賣下關子啦先!而其中一首歌《唯一》就係前度男友某年情人節嘅時候自彈自唱俾我聽,所以特別深刻。」


被問及今年情人節打算怎樣過,會否與另一半一起渡過?Lala 就直言:「今年嘅情人節呢,只能同朋友過啦,所以對於我來講情人節真係又苦又樂。今次唱咗咁多首情歌,令我諗翻起以前曾經試過喺情人節前一日失戀。嗰時同前男友因為吵架,當時吵情人節怎樣慶祝的時候意見不合然後繼而分手,可能對其他人來講係一個好甜蜜嘅日子,但係對我來講就係一個好心酸嘅日子。」


Lala 亦表示今次是一個新嘗試:「我從來未試過喺情人節一連8日每日都有唔同嘅情歌送俾大家,亦都同一直合作的音樂平台FBEATALLDAY 一齊送出情人節禮物同埋簽名相俾大家,希望大家會鍾意!最後,祝大家有一個愉快又難忘嘅情人節。」



27 次瀏覽0 則留言