• KS Media HK

花市變市集 許嘉浩Rose Ma任一日店長


行花市喺大家迎接新年的集體活動,今年經典大型花市卻只有花賣無乾貨賣。KOL雪姨日前集合唔少KOL網紅同手作小店店主喺尖沙咀舉行新年市集,吸引唔少年輕人行新年市集。


形象指導許嘉浩(Karl Hui)日前現身新年市集開幕日並喺合作設計嘅本地手工飾物店任一日店長,親自示範新年新款閃爍飾物配搭術,更因應潮流潮配DIY閃閃口罩鏈。佢話:「人人每日都戴住口罩,口罩唔單只藍色白色,都有花紋圖案襯衫。口罩鏈飾物都係一個Fashion,其實韓國同歐美都一早有人襯。


大家香港人在疫情下都應該有啲點綴粉飾,在必戴口罩情況下扮靚啲心情都好啲。」一向鍾意做手作嘅Karl在疫情下有空餘「Me Time」除咗自製飾物同設計衫外,仲學造天然抗香石:「喺香港屬於潮濕嘅地方抗香石其實好啱,手作石喺室內遇天然濕氣配上一兩滴天然香薫會自然抗散全間屋都有香薰,配天然香薰精華可以令人relax又可抗疫消毒。」Karl到場一小時已吸引唔少粉絲同手作愛好者支持幫襯,更有Hello Kitty忠粉排隊買品牌聯乘的頸鏈。


除了任「一日店長」外,Karl更與同場的「電競女神」模特兒Rose Ma馬俊怡拍攝節目介紹小店的手作設計。Rose Ma都表示閒時竟然唔係淨係終日打機,動靜皆宜嘅佢都異口同聲話鍾意做小手作。上年更認真地報讀手工蠟燭課程,愈整愈有興趣,更發展成開店擺檔:「知道自己金牛座三分鐘熱度,但發現對整蠟燭好有興趣。蠟燭其實都有好多百變款式,好享受整蠟燭過程嘅靜態,好平靜嘅過程好療愈。」佢仲坦言上年在網絡上看到有些流言蜚詞時都係靠造蠟燭平靜心靈,仲會同屋企人朋友一齊整,一齊鑽研,有個共同興趣。


Rose Ma有份參與正在熱播中ViuTV真人騷節目《家務戰場》,佢都話開心粉絲有支持節目,嚟完市集搵佢傾計都趕番去睇佢節目。現場所見帶上圍裙的Rose Ma由開舖、執貨、打掃都一手包辦,似乎都唔係完全唔識做家務等人服侍。無著性感寫真造型現身嘅佢都仍然吸引一眾宅男粉絲「課金」買手作蠟燭,仲話之後有時間唔介意開班親自上陣教宅男粉絲整蠟燭。



9 次瀏覽0 則留言