有機會攞到獨立音樂人獎，雷深如J.Arie覺得自己只係佔左少少功勞，最主要係要多謝有一班戰友同網民撐住佢！係佢哋肯同J.Arie一齊做音樂同埋將今年嘅《雙面哈菲》同埋《陰陽道具》狂share出去，先成就到今日。
做indie, 精神上唔太辛苦，因為心態上比起喺唱片公司嘅時候唔同咗好多：首先J.Arie要求自己係發自內心咁寫歌，寫完出嚟要自己夠鍾意，先至會俾首歌出街，所以已經唔太計較結果，當然如果網民鍾意嘅話就係一個大bonus!
另外就係要儲錢做歌！J.Arie 今年出咗兩首歌《雙面哈菲》同《陰陽道具》，自資左20幾萬。本身唔係有錢，每一分一毫都係喺唔同方面賺返嚟：寫歌俾人，補習，直播......都係血汗錢同埋心機，只求做到自己一直想做嘅音樂，係充滿玩味既。短期目標係希望兩年之內可以出到一隻concept碟，俾自己喺音樂嘅里程做一個留念！希望到時樂迷真係會支持實體碟！
