形象指導兼藝人許嘉浩(Karl Hui) 到主題公園出席樂壇偶男子組合SKY出道15周年音樂會。 雖然今次重組獨欠Gilbert五缺一, 但無阻四子Bonald、Kin、Bong、 Moses大跳大唱, 好多昔日嘅妹妹仔Fans都帶埋老公甚至小朋友撐場瘋狂一晚。 Karl表示初中時期的確有好多青春偶像組合出現, 中一起已熱衷搞校園Show嘅Karl成日組織校園Sing Con、聖誕Party同暑假活動等都有請一眾年青偶像參加。 後來更成為朋友,在公在私都有聯絡, 仲有幫佢地之前開嘅時裝店宣傳, 都有幫成員Bonald媽咪梁太嘅Studio搞音樂演出嘅pr ojects。問到Karl係唔係初中回憶番哂嚟? Karl話:「 首先今次揀喺香港本土主題公園搞對本地組合嚟講好貼地好新鮮, 啱啱Halloween先嚟完玩估唔到嚟呢到睇音樂會。
那些年佢地得十幾廿歲無憂無慮追夢, 宜家各有家庭新生活都好幸福,最緊要無太大走樣呀!」 現場識一齊大合唱首本名曲《口袋情人》、《高高地》 的Karl笑言記得讀書時女同學知我同佢地做嘢仲叫我幫佢地訂S KY寫真集,今次佢地再開Show都有請初中女同學一齊睇, 順便聚舊。Karl仲話近年好多讀書時代的組合團體好似Boy’ z、HotCha、Ekids、 Shine等相繼重組開Show,大家同學仔都組團去睇, 仲話宜家佢地呢個年紀個個做嘢有經濟能力都一訂訂十幾張最貴嘅飛 。咁多昔日組合重組, Karl講笑話不如叫埋好友李蘊隊Cream同Cookies快 D開Show啦!
