由香港滑水總會舉辦、一年一度香港滑水界體壇盛事「Nautique Wakefest Hong Kong 2018」，將於7月6日，一連三日假大埔海濱公園隆重舉行，期間除了世界各地一眾滑水好手將聚首角逐多項殊榮外，大會亦邀請型男唐文龍，於今日(7月8日)活動閉幕當日擔任嘉賓。
考慮接受手術
唐文龍於活動期間分享對滑水心得之餘，還即場跟香港滑水隊女成員在台上示範滑水技巧，互相鬥平衡力，又在滑浪板上表演花式蹲下，而唐文龍亦十分識做，刻意「讓賽」。
對於今日未有落水露兩手，只在岸上示範，他直言鼻竇炎仍未痊癒，故不能落水:「因為鼻竇炎未好番，落水時水壓會令鼻入面神經痛，其實已經睇咗醫生，食咗兩星期藥，亦照了腦掃描，不過仍未好轉。」他表示之後要回美國探家人，故要繼續食藥，看看回港後有冇好轉，並考慮之後做手術。
讚楊柳青聰明
提到「緋聞女友」楊柳青有否擔心及送上慰問病情？唐文龍以「師妹」稱呼對方，並謂：「佢有關心我，師妹關心好正常。」他又大讚對方對學武充滿天份：「佢好聰明，師父都讚佢。」
唐文龍又提到以前跟好友經常滑水，不過現各有各忙，加上朋友榮升父親後，已很久沒有滑水，問到他恨不恨做父親，他直言未有女朋友，強調楊柳青只是「好朋友」，再追問二人快成為情侶，他未有正面回應。至於會否教對方滑水，唐文龍則說：「唔知佢識唔識滑水喎，咁師兄師妹一齊做運動好正常。」
此外，陳嘉寶老公黃頌祈為今次滑水比賽的主辦單位，他亦有身體力行落水比賽，不過未見老婆陳嘉寶蹤影，他表示:「佢今日要做慈善活動，所以冇來。今日我落場比賽，輸畀新加坡同韓國選手得第五名，不過香港選手就排行第一。」提到老婆屬「防水一族」，他表示老婆也有玩過幾次滑水，但睇書寫作比較適合她。對於老婆的一班好姊妹跟他學滑水，他表示：「老婆好放心，我們有一個group，學滑水時佢都知當時情況，而且佢好信任我，我都是專注佢哋滑水動作技巧。」
