「超級奶爸」黎諾懿，日前以特別嘉賓身份，出席由全球銷量第一的德國有機奶粉HiPP舉辦的「有機爸B足球派對」，並為BB爬行比賽擔任評判，眼見多位「運動健兒」在地上拼搏地爬，不禁令黎諾懿憶起囝囝「小春雞」的爬行階段，他表示：「作為父母，要好好珍惜這時間，因為實在太短暫，『小春雞』7個月大開始識爬，到11個月大學行，他由爬到行，只用了5日時間，而且雙手不需扶任何東西就可以行，比同年小朋友行得快。」
由於「小春雞」太早識行，因此亦發生過不少驚險意外，黎諾懿稱：「BB距離感差少少，他經常行到最尾2、3步就飛撲埋嚟，有次因為咁而跌倒，跌到打了兩個斛斗，『小春雞』腳都瘀晒，雖然他沒有喊，但我卻被老婆鬧。」
「小春雞」第一句叫爸爸
之前擔正《BB來了》，最近正忙於拍攝電視劇《C9特工》與《反轉貴利王》的黎諾懿，每日都爭取時間陪「小春雞」，作為父親的他最大心願是希望「小春雞」能夠講說話，他謂：「『小春雞』一向都有好多訴求，如果可以快少少懂事，表達訴求，唔好成日齋叫，咁我已經好安慰。」他續說，「小春雞」三個月大時已懂得叫爸爸，黎諾懿對此感到十分自豪，「佢第一句叫爸爸，第二句講街街，第三句講狗狗，最後一句先識叫媽媽，所以我老婆好嫉妒。」至於「小春雞」何時返學？黎諾懿表示囝囝已上playgroup班，不過有關仔仔學業的事，他將決定權交給太太：「我老婆有修養、有文化，所以個仔嘅學業，所有都交畀老婆處理，我只係負責畀錢。」
此外，早前黎諾懿跟一班小演員，為全球最大有機嬰兒食品生產商HiPP拍攝廣告，期間黎諾懿即慈父上身，與小朋友們打成一片，黎諾懿拍攝電視劇《BB來了》，加埋今次跟小朋友的合作，他笑言經驗十足：「好開心，今日呢度有好多妹妹，大家都知我好鍾意生囡，希望今日喺度接觸多啲妹妹，下年可以生番個豬女，其實而家已經努力進行中，一定要係豬女，希望全港巿民畀個生女嘅信念我！」如果生仔又點算？黎諾懿表示無論生仔或女，暫時都決定「收工」，兩個夠數。
提到今次拍德國廣告，黎諾懿表示要感謝貴人鍾嘉欣帶挈，「『小春雞』對奶粉同食物嘅要求比較高，話說之前『小春雞』腸道唔好，當尋找優質嘅奶粉畀『小春雞』時，遇到鍾嘉欣，原來她對這方面好有研究，她介紹我用，因為係有機嘅，又好味，用吓用吓真係覺得好好，仲做埋代言人，嚴格來講，我要分番錢畀鍾嘉欣！
