龐景峰(Andrew) 連續兩日在銅鑼灣街頭快閃派拖肥糖，宣傳廣東新歌《你我情在Bittersweet HomeKong》。 拖肥糖上貼上一個QR code，方便大家隨時隨地嘟一下, 可以睇到新歌MV。原來個QR code係以柴犬仔 Soda 外型設計, 唔單止咁, 易拉架設計都係由景峰親自設計及編排，好有心思！
景峰話：「Soda 真係一個親善大使，無論去到邊都好討人歡喜，個個都爭住想摸吓佢，同佢影相，當然Soda仔好開心，有好多哥哥姐姐同佢玩！」
景峰解釋：「平時成日帶住Soda跑山、散步，佢都習慣咗接觸陌生人，加上性格好動活潑，社交能力極強，完全係一個PR高手。MV拍每個鏡頭之前，都會同佢講，要點樣做，佢又真係好似明白，好快就入戲、交到戲，真係好抵讚！很多人都會問我，點樣訓練狗狗拍戲，我反而諗，其實係佢訓練緊我的耐性！」
街頭宣傳，真係吸引到好多小朋友及女士們爭相與景峰及Soda打卡，有求必應！
仲有眼利嘅網民發現原來MV入面有兩位女演員，分別係吳天兒（Tiffany)及 簡思恩(Melody)友情客串。整個MV最搶鏡都係Soda，表情多多，交足功課！