top of page

趙希洛化身「逆齡雅典」女神為醫美中心拍攝廣告片


趙希洛(Candice)最近應『逆齡雅典 醫美中心』之邀請拍攝廣告片,港姐出身嘅Candice多年嚟保養得宜,今次拍攝廣告,更著上性感白色DEEP V露腰長裙,如同化身「逆齡雅典」女神。雖然要性感上陣拍攝,但Candice就透露今次拍攝前完全唔洗戒口減肥,單係靠做療程,就令身型線條緊緻,怪唔之得佢笑住話:「今次成個拍攝過程真係相當幸福。」


拍攝當日,Candice化身雅典女神面對鏡頭擺出自信嘅表情及甫士。鏡頭後,佢亦積極同製作方研究拍攝出來嘅效果,務求精益求精。今次係Candice第一次接拍「醫美中心」廣告,佢覺得非常開心、興奮。因為好難得可以拍攝到一個優質嘅醫美品牌廣告,成個團隊嘅專業性、療程及產品品質、服務態度、環境舒適度都令佢非常surprise同滿意,亦因此佢先會接拍,而今次對佢都係一個新嘅嘗試。


當然,作為「生招牌」,Candice都親身以用家身份去試過「醫美中心」內嘅產品同服務。佢話:「我試咗中心最新嘅儀器療程,以前我未試過接觸醫美,今次先發現現時嘅科技已經咁先進,只係貼塊貼喺我皮膚度,嗰個部位就瘦到。加上有一部儀器只係利用laser照,第二日已經feel到啲肉實咗好多,原來真係好誇張。」而成個療程,治療師都十分細心留意機器上嘅data變動,以及佢嘅身體反應。佢笑住咁話:「我舒服到瞓著咗,一啲都唔似啲人講嘅其他減肥療程會痛,又話唔舒服。我試做完,未拍廣告已經極力推介俾身邊嘅朋友同屋企人。」


喺眾多療程當中,Candice表示瘦身嘅treatment 過程舒適,返到屋企覺得身體有啲熱,之後就發現肌肉都firm咗唔少。佢仲話:「我當然好鍾意啦!之後都打算keep住去做。」唔少女藝人為咗以最佳狀態拍廣告,拍攝前都要地獄式減肥keep fit。但Candice就例外,佢話:「我本身都諗使唔使食得節制啲呢?到時個body shape好睇啲,但中心果邊話唔使特別節食,只係做機就得,真係非常幸福。」Candice指本身都鍾意食嘢,平時都唔鍾意戒口,所以今次廣告係拍得十分開心。至於酬勞方面,她就話:「大家都好有誠意先會合作,肯定係雙方都滿意嘅。」



18 次查看0 則留言

Comments


bottom of page