top of page

嚴淑明.蔡國威出席《第一屆 卡格動物毛範獎 頒獎典禮》表揚正面影響力的「毛範代表」


女星嚴淑明(Mandy)一向視寵物為良伴,日前佢到灣仔會展出席《香港寵物節2022》

《第一屆 卡格動物毛範獎 頒獎典禮》活動任愛心大使以及頒奬嘉賓。同場嘅「六合彩之子」蔡國威(威仔)則任大會司儀,聯同創辦人方心如博士曾,以及參加《第五屆新秀歌唱大賽》奪冠嘅文佩玲(文文)都嚟撐場。嚴淑明(Mandy)以一身黃色長裙現身,佢話剛過咗自己嘅生日,獲好多朋友日日同佢食生日飯慶祝。現場見佢真係有啲發福,佢就話生日後踏入人生另一階段,人愈大的確身陳代謝比起以前慢。佢仲透露原來仲有另一原因:「我嚟緊應承咗參加一個電視減肥真人騷節目,代表名人嘉賓出戰。真人騷全程無間段真實拍攝,我目標要減約20磅!! 話比觀眾知無論咩年紀,有恆心一定減到。」甚有美容心得嘅Mandy表示會內外夾攻,內至從飲食入手,好乖咁配合營養師建議餐單。外在就每日做帶氧運動配合瑜珈,做Treaments都唔可以懶。講到見佢在場抱住「喵星人」貓貓同「汪星人」狗狗唔願放手。佢話自細就視寵物為自己嘅良伴,以前單人匹馬去台灣發展掛住屋企人都好彩有寵物良伴陪住,仲會成日同佢哋傾計。視貓貓狗狗為親生仔女嘅Mandy更揚言睇緣份,如果第時唔生小朋友都會養貓貓狗狗當做自己小朋友,比最好嘅嘢佢哋。


至於連走兩場做司儀嘅蔡國威(威仔)話大家都知佢一向好鍾意寵物,所以有寵物活動同平時寵物義工日都會第一時間搵佢。一直好支持領養行動嘅佢,自從之前領養嘅凱恩爹利喺2015…16年走咗之後,宜家都無養任何寵物。佢話:「自己覺得離別實在太傷心,頂唔住,所以決定唔再養住…加上我哋做藝人呢行時間表成日都唔定時。」講起狗狗,佢憶述起開心回憶時都即時眉飛色舞:「我狗狗好攪笑㗎,佢完全當咗自己係人。只係鍾意同人玩,唔理其他狗狗,同佢行街,行兩下就唔行,扭計要抱,次次都係佢贏,所以我唯有抱住佢行街。」幾年前有計劃同朋友開寵物店嘅佢最後都無發展寵物店事業。但就一直絕對支持領養:「因為被遺棄嘅動物實在太多,佢哋都好需要得到大家嘅愛。而領養者更有可能拯救到佢哋嘅生命,所以有心養寵物嘅朋友,真心建議領養。」講到近況,佢就好興奮咁話同寵物真係好有緣! 佢話;「除咗好多時候會做寵物節或寵物品牌活動嘅司儀外,最近亦剛剛完成咗TVB劇集《寵愛Pet Pet》。一睇個劇名就知道同寵物有關,而我角色更加係一名獸醫助護。會接觸到好多唔同種類嘅動物,包括有貓、狗、烏龜、兔仔、蜥蝪、鸚鵡,蛇……絕對大開眼界,包羅萬有,套劇出街時大家一定要支持呀。」曾經係亞視合約藝人,因主持《六合彩》節目被封「六合彩之子」為人認識嘅威仔被問到近日亞洲電視數碼媒體正式被清盤,旗下藝人更將會自動解除合約。佢話:「最近忙住拍劇,其實真係無咩留意。不過宜家好似無咩以前嘅同事仲喺裏面做,咁當然都希望受影響嘅人都無問題啦。」

有關《卡格動物毛範獎》:

《卡格動物毛範獎》旨在表揚及肯定在動物福利界中具正面影響力的「毛範代表」,希望透過牠/他們的故事鼓勵更多人,存善心,做好事,共建一個人寵共融的和諧社會。

第一屆「年度貓模」、「年度狗模」和「年度毛孩天使」三個獎項分別有三名候選者。好人好事固然值得被嘉許,有不少領養中心和收容所內的動物也傳遞積極正面的訊息,即使有過坎坷的往事或身體殘缺,仍然以善良和包容的心對待人類、面對生活,其生命鬥士的精神非常值得我們學習。只要有更多人關注及支持領養動物,給牠們一個溫暖的家,生命縱使不完美也充滿着愛。

《第一屆 卡格動物毛範獎》的結果將由專業評審團(40%)及全民投票(60%)決定,選出最佳「毛範」。眾得獎者可獲頒贈總值超過10萬港元的獎金及獎品,藉此支持及鼓勵領養中心和收容所內的動物和默默付出的動物義工。



30 次查看0 則留言

Comentarios


bottom of page