許嘉浩(Karl Hui)婦女節派1000檢測抗疫包鼓勵單親婦女


著名形象指導許嘉浩(Karl Hui)日前為婦女節節日限定美妝系列拍攝宣傳片。Karl與其美妝團隊示範了為虎年新妝潮流創作的美妝妝容用品:「我哋品牌已經連續幾年推出慶祝婦女節節日限定禮盒,裏面都係推介好用嘅女士扮靚恩物。


今年除咗有加入特製抗疫香薰嘅粉餅、粉底、胭脂等,仲加入咗一啲嚴選國際達標嘅居家日常抗疫用品。以3.8婦女節為題,禮盒一共有38款推介女士好物。」Karl又話疫情大家都多留喺屋企,自己公司一早喺上年已經實行Work From Home制度。有時都要同客戶做視像會議,所以今次美妝禮盒好多女士都要求三十八款女士好物裏面可以喺平時打造「口罩妝」嘅好物。當中包括多款注重眼妝系列嘅好物。其中來自泰國嘅防油防熱出汗防甩色嘅眼線筆系列令大家讚不絕口。


一向身體力行做慈善的Karl表示今次推出嘅380份婦女節節日限定美妝禮盒會將收益全數購入檢測抗疫包,包括國際認可又靈敏度高嘅檢測棒同藥物、消毒用品送給一直有定期做義工活動嘅深水埗同觀塘單親婦女。Karl表示幾年前起一向有同深水埗同觀塘單親婦女團體聯絡,定期參與義工活動。


除咗派發生活物資同飯卷比單親婦女同佢哋屋企小朋友外,仲提供免費技能培訓,好似: 沖調拉花咖啡、清潔鐘點及手作加工專長培訓。希望短期幫忙到日常物資外,仲解決到佢哋長貧難顧嘅問題。令佢哋有技能長期可用到,改善生活。


Karl仲話收到單親婦女團體電話知道疫情下大家生活變得有壓力,學校停課又令單親婦女要多留家照顧小朋友而無法番工賺錢。平日生活以十五蚊、二十蚊買飯卷都變得有壓力,何況每日負擔一日一枝幾十蚊嘅檢測棒。所以藉3.8婦女節派發1000檢測抗疫包鼓勵單親婦女,出少少綿力。


顧全周砂的Karl為免大家多人聚集增加染疫風險,一早已包裝好檢測抗疫包送到一直跟進開她們的專責社工,分批送到她們手上。希望大家齊心抗疫,亦多關心身邊勞碌的單親婦女同有需要幫忙人士。


6 次查看0 則留言