• KS Media HK

《致有夢想的人》何雁詩首次以獨立歌手身分出歌

更新日期:8月 17


首次以獨立歌手身分出歌,感覺好神奇,好多以前唔識做或者唔知要做的事情都需要自己學習去完成。由小事如整graphics、剪片,到大事如傾價錢、簽contract、發行等等,大多都是我第一次接觸,雖有挑戰性,但我學到的實在太多。係《致有夢想的人》這首歌裡面,我最鍾意一句歌詞就係「有夢想的人,拒絕不可能」,我都希望用呢個座右銘去繼續我嘅音樂路,將本來自己覺得無可能的事情逐個擊破。

今次終於可以和相識已久的Cousin Fung 合作,由他度身訂造這首歌給我。係一齊構思的時候,我哋重看了我十年前的一些演出,希望做呢首歌黎勉勵自己或任何曾經有夢想的人。可能係感覺良多,我亦都係第一次係錄音室忍唔住喊到唱唔到,結果大家早左收工。

MV方面,今次除左擔任幕前,我都參與好多幕後部分例如構思畫面、故事大綱、還有book場地(哈哈),故事靈感亦來自最近一次我叫外賣的一個意外。好榮幸搵到黃文標先生呢位前輩黎擔演MV嘅男主角。由於係構思呢個大綱嘅時候,一直picture緊主角必須係好貼地的一個人,加上標哥演技十分十分十分好,實在幫MV增添好多色彩。

好開心今次經歷總總難關終於有自己身為獨立歌手的第一隻作品,現正忙於宣傳以及籌備2020年音樂上的其他projects。


7 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!