• KS Media HK

遠離人多地方 許嘉浩上山下海強身體

更新日期:8月 17


最近疫情嚴峻,大家都避免去人多密集嘅地方,連飯聚都可免則免。連平時無咩見佢做運動嘅著名形象指導許嘉浩(Karl Hui)亦喺社交平台貼出揸船出海直落行山嘅抗疫之行。佢喺清水灣上私家船後便出發前往香港最南極嘅行山美景勝地蒲台島,全程都係海景山景人煙稀少嘅大自然地帶,合乎遠離人多地方嘅原則。蒲台島以花崗岩為主,一路行經過好多好似僧人石、佛手岩、響螺石形狀獨特嘅奇石,之後仲登上埋最高嘅蒲台島126燈塔。途中仲食左蒲台島盛產嘅天然海苔湯麵同海帶綠豆沙排毒。

Karl話平時自己真係少做運動,但在行山經驗豐富的朋友力邀下都想在這個疫境下到大自然的陽光下進行天然殺菌,郁動下強身健體。新年又有習俗行個大運,估唔到新一年一開始就已經登上咗香港最南極最高端的蒲台島126燈塔,寓意新一年登上新一個高峯。之後又去咗島上嘅天后古廟祈福,希望疫境快過,人人身體健康。此行完成後Karl發覺對行山開始產生興趣,覺得比想像中容易,可鍛練自己增強體力。佢話已經開始搵定其他行山路線,讚嘆香港真的有好多大自然靚山景,一定要好好珍惜。不過佢話今次行山行途中發覺有山邊有唔少行人留下嘅棄置口罩同消毒濕紙巾,呼籲大家自我保護抗菌外仲一定要愛護大自然環境同注意清潔衞生。


2 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!