• KS Media HK

J. Arie為你解開《雙面哈菲》之謎

更新日期:8月 17


《雙面哈菲》- 個個都問邊個係「哈菲」,佢係Harvey Dent - DC蝙蝠俠漫畫同埋電影入邊,半邊面係好人,半邊面係爛晒面嗰個雙面人,就係Harvey (哈菲)啦!

前幾日出咗電視禁播版MV,估唔到反應係咁!聽眾竟然係鍾意!當初J. Arie諗左畫面同埋concept, 拎埋Storyboard搵J. Arie個導演朋友阿Lam,而家真係喺MV視覺上幫J. Arie實現晒! 拍完MV之後,J. Arie同導演用咗四個月時間,逐個逐個shot一齊剪片,可謂由音樂至呢個MV都係一手一腳參與。

MV既故事解讀,主要係講J. Arie討厭虛偽同埋假笑嘅自己,感覺好似只係一個軀殼,連自己嘅心臟都唔再跳.... 所以好想用盡所有自毀嘅方法,毁滅自己。最後自毀不遂,俾人捉咗去做電療。電療令到J. Arie嘅人生走馬燈呈現,令J. Arie有所領悟,發覺原來呈現真實嘅自己,就算係呈現黑暗面,只要自己開心,就算全世界唔認同同埋覺得你瘋癲都冇所謂。你已經可以圓滿你自己。最後,我個心臟變咗黑色,但係佢終於有心跳,J. Arie又返生命啦!

呢個MV簡直就係將音樂同埋演戲集於一身!音樂一直推進同埋變得高昂,J. Arie嘅演繹就要有幾忘我同埋豁出去! 其實嗰種瘋癲,絕對係J. Arie內心一直嘅掙扎同埋吶喊。今次最高興嘅事就係可以將音樂同埋MV真正合一,有聽眾話可謂相得益彰!

《雙面哈菲》係J. Arie離開唱片公司後第一首歌,亦只不過係故事嘅開端。以下落嚟嘅歌,希望大家繼續期待!


4 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!