• KS Media HK

許嘉浩拉黃榕扮鬼扮馬蒲老蘭


著名形象指導許嘉浩(Karl Hui)經常以不同造型示人,日前他相約好友黃榕(Gloria)與湯沛宜(ToTo)以鬼馬造型出席Alivenotdead於中環蘭桂芳舉辦的主題派對。派對舉行了十二年,每年都吸引一眾圈中名人打扮出席,而Karl更與Gloria齊齊嚟過8年咁耐,認真長情。一向鍾情綠色嘅Karl以綠色服飾主題現身,染上一條綠色眉嘅佢一到場被大叫「綠美眉」! 更被場內外藉男模誤認女仔上前挑逗,Karl隨即將身邊Dry左好耐嘅「真女人」介紹比對方,相當搞笑。Gloria就話雖然外藉男模高大又十分大隻,仲要著住英雄裝扮,但真係唔太喜好同老外拍拖。自認英文麻麻地嘅佢唔想日日淨係用身體語言溝通,所以呼籲大家繼續介紹本地鮮肉比佢。講到扮鬼扮馬,Karl細細個原來已經被封走「Cutie」路線,皮膚白白淨嘅佢自幼稚園起已成日被學校老師同同學家長當「櫥窗公仔」扮靚。聖誕校園派對上竟然比老師Dress Up扮聖母瑪利亞,連校工姨姨都爭相幫佢車衫車頭紗,睇嚟自細開始就好有女性緣。而著上粉紅俏護士Look嘅Gloria難忘少女年代出去蒲:「果個年代要番學唔比染頭髮,D人好興買啲噴一次上色嘅顏色同閃粉噴霧整Colour。點果晩後段轉場突然落大雨,一次染髮噴霧甩哂色,滴到全面都係粉紅色!」Gloria同ToTo自從加入健美小姐行列都好注意飲食,少咗飲酒。熱愛運動的ToTo仲介索性做完Gym以螢光橙Sporty Look直踩Party,誓要時時刻刻都走「運動風」。不過勤力鍛練都要Relax一下,一年幾個大Party大家都會放寬限額飲杯香檳投入Party Songs。講到年尾比較忙,大家都話好想盡快完成工作抽幾日去旅行,提議結伴去滑雪過「白色聖誕」。


2 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!