著名形象指導許嘉浩(Karl Hui)日前出席茶品店開幕活動支持主持人好友袁學謙(Benedict)開新店。同綠色特別有緣份的Karl係個不折不扣嘅「抺茶控」,鍾情濃厚嘅日本抹茶同抹茶千層蛋糕。新店引入近期喺倫敦大熱嘅宇治抺茶品牌首次登港,呢個被評為最佳手工製之日式抹茶係採用嚴選初採茶葉提煉出,細緻地配合專用抹茶掃、玻璃雲霧茗茶杯等茶道組合泡製出慶典級嘅抹茶,可見日本人對泡茶每一細節都好認真。
Karl喺試味後大叫呢個宇治抹茶鮮而不澀,濃醇香達至齒甲留香,加入日本大阿蘇牛乳更係perfect match! 原來小時候對喝茶不大喜愛的Karl喺經過一次去日本京都拍攝之旅,去過京都宇治一間逾百年歷史嘅茶屋老舖試過一個年近九十歲的茶藝老師傅即席泡茶後,被那頂級的鮮茶茶香大大吸引。自此之後Karl開始研究茶品,搵一啲唔會苦澀或茶質唔好嘅優質茶葉同抹茶粉。出Trip去好凍嘅地方Karl仲會一日三餐前都嘆杯靚抹茶,預防喺冷天氣之下得感冒。
講到今日喺傳說每年農曆七月七日牛郎織女兩星隔著銀河於鵲橋相會嘅七夕情人節,Karl話約左兩個北京嚟香港做野嘅女模朋友上山頂觀星:「國內嘅女仔原來好重視一年一度嘅七夕,佢地兩個嚟香港做Fashion Show又無情人,我就盡地主之誼帶佢地去山頂睇星星同野餐嘆下茶食下餅。」Karl更透露將會去學整健康低糖嘅抹茶月餅,喺中秋佳節前席送暖比鍾意品茶嘅一班老友記。
