• KS Media HK

趙哲妤夾時間開直播 近50萬點擊狂吸金


藝人趙哲妤一直寵愛囡囡小魚,最近回暖天氣潮濕,2歲嘅小魚被濕疹搞到皮膚痕癢,食療、醫生、藥膏都搞唔掂,令到Uny擔心到不得了。好彩最後比佢搵到啱用既「手工皂」,根治到問題。講到最近佢忙緊咩,原來不知不覺,Uny做番全職學生巳經大半年。但係香港地養個小朋友都唔平,起居飲食、讀書、奶粉、尿片、工人,全部都係錢。面對一堆開支Uny唯有頂硬上,一路接job一路讀書。難得一班廣告商同公關對佢不離不棄,見佢嘅廣告長拍長有,美容、纖體、蛋白粉、洗頭水、沐浴露,連幾個電視台都繼續見到佢蹤影。不過睇Uny嘅相就真係越黎越瘦,忙還忙,希望佢顧住身體先好呀!

藝人趙哲妤上年表示,為左囡囡係教育大學攻讀言語治療碩士課程。不過為左比囡囡最好嘅生活,Uny一直都維持住半工讀嘅狀態。而最近佢就幫美容院拍左條廣告短片,大sell去色斑療程,仲大獲好評。據知一班藝人KOL除左收錢拍攝之外,每一個點擊率都有錢分。以Uny 50萬點擊短片為例,每一點擊$0.1 都有5萬蚊。 分紅當然分分鐘唔止每一點擊$0.1啦廿。所以睇黎呢位靚媽,依然生財有道,唔怪得小魚比佢湊到肥肥白白啦。


1 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!