• KS Media HK

動漫女神《She is...》Sheena首本個人寫真集

更新日期:8月 17

She is... 是宣娜(Sheena)第一本的個人寫真書, 這本寫真的內容統籌和策劃都是由Sheena親自包辦, 拍攝有4位不同的攝影師:Henry, Max, Pixel, K, 他們都是她認識多年和很信任的攝影師, 她感謝他們拍出一個有自信的我造型和服裝都是由她姐姐Chemain的精心設計和製作, 充滿現場感的影片花絮是Pixel側拍的, 書裡面有十二個不同風格和造型都是她想最想呈現給大家看到她的最美, 希望大家會喜歡。

「17人氣第一女主播」宣娜(Sheena)殺入書展寫真戰滿足宅男

夏天來臨了,每年都有唔少性感女模「大解放」推出寫真集,今年有新血:「17人氣第一女主播」宣娜(Sheena)! 佢喺直播網紅界大有來頭,幾年前已簽約台灣人氣直播平台「17」晚晩定時勤做直播同宅男粉絲約會。憑住嬌小玲瓏嘅身材配上可愛「台式娃娃音」嘅聲線令收看直播的粉絲步步急升。唔少裙下之臣更日日向女神大送虛擬禮物,為搏上粉絲排行榜首席位置,引起女神注意。佢仲透露喺高鋒期一個月收了兌換實質現金港幣40多萬嘅禮物,認真驚人! Sheena粉絲嘅威力無比,將佢推上了去年2018「17主播年度選拔」Top 1人氣第一女主播! 從香港越洋出戰嘅佢遠遠超前一眾被喻為嬌嗲功力深厚的台妹,「鐵粉」達8萬多亦令佢登上台灣台灣知名「FHM雜誌」和各大媒體封面。

人氣旺盛嘅佢仲大包圍到樣子於台灣公共交通工具如捷運、巴士和的士等隨處可見,廣告深入各大户外登箱以及大型活動如「台灣海祭演唱會」同「動漫電玩節」,甚至蜚聲國際至美國紐約時代廣場廣告版! Sheena的人氣亦吸引不少廣告商垂青,連台灣人日日飲嘅珍珠奶茶都搵左佢代言,由於靚樣印左喺杯身同杯面,有「忠粉」唔忍心拮爛Sheena喺杯上面嘅靚樣,不惜買多幾杯留念。

人氣指數爆燈嘅Sheena獲一眾粉絲聯合簽署要求推出寫真集。積極修出好身型嘅Sheena決定完成粉絲訴求,推出處女作大益宅男鐵粉! 首次出個人處女寫真集嘅Sheena命名其作品為《She is...》。內容挑戰otaku最喜愛嘅12個造型,將宅男粉絲帶入二次元最終幻想國度。收錄共十二個造型包括:貓女郎、廚房、浸浴、機械女、侍應生、家居服、內衣、DJ、糖果少女等等。

從小熱愛Cosplay嘅佢有「動漫女神」嘅稱號,精於電玩嘅佢又係電競組合達近10萬Followers 《Games Effect》嘅成員之一。處女寫真當然唔少得Cosplay電玩嘅元素啦! 造型新鮮豐富,佢話希望為大家帶嚟唔同風格嘅佢,必定令大家耳目一新。問到拍攝時面對男攝影師近距離埋身肉搏有否尷尬? Sheena話攝影師好專業,影之前都有做足準備同溝通。拍攝時更加攞出佢偶像日本性感女星三上悠亞嘅作品做參考。又專程搵瑜珈老師到拍攝現場做熱身,配合擺出各高難度動作。講到對銷情有無信心? Sheena話百分百有信心! 未正式宣佈出寫真的消息已被近三百個鐵粉喺直播平台留言追問。佢仲透露即將進行一連串宣傳同會以性感造型空降書展。之後仲獲邀到台灣宣傳新作,下一步仲會去東南亞地區搞巡迴見面會,行程相當緊密。


85 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!