• KS Media HK

同蠟筆小新一樣唔好食青椒 許嘉浩(Karl)媽咪出招均衡飲食

更新日期:8月 17


形象指導兼藝人許嘉浩(Karl Hui)獲邀到灣仔出席日本卡通人物蠟筆小新放暑假期間限定餐廳活動。上身紅色配下身黃色Look現身的Karl同現場眾多蠟筆小新公仔影相時真係襯到絕呀! 身為多年電台DJ的林柏希(William)初嘗同日本傾卡通人物版權落手落腳做埋活動搞手,並且做埋導遊帶Karl同一班VIP參觀現場。萬幾呎有唔同角落都有唔同系列既美食同限定商品滿足一班蠟筆小新迷。有多款蠟筆小新嘜頭做嘅玉子燒、海鮮丼、咖哩吉列豬扒飯、士多啤梨班戟,小新屁股布甸......全部都係「相機食先」嘅打咭代表。由於蠟筆小新同同學仔仲讀緊幼稚園係唔飲得酒,場館特別佈置蠟筆小新爸爸野原廣志的梅酒區可以比鍾意飲番杯既朋友乾杯,飲完仲比埋個限量版酒杯你帶返屋企。細細個有睇蠟筆小新卡通片的Karl笑說小學時有一個粗眉大眼嘅朋友仔好自豪咁話自己係真人版嘅蠟筆小新,仲要同自己屋企同蠟筆小新隻狗小白好似嘅白色小狗影即影即有相派比自己的同學,真係好好笑。果個朋友仔放學時仲要迫自己嘅同學同佢玩小遊戲,輸左的話要比佢用佢家姐嘅眉筆畫到同佢條眉一樣咁粗的粗眉。雖然天生無蠟筆小新一樣的粗眉,但Karl同筆小新一樣唔好食青椒! 自細都好鍾意食蔬果嘅佢係唔喜好食青椒。結果Karl的媽咪化身鬼馬大廚,在他鍾意食甜甜酸酸嘅咕嚕肉又加青椒、香囗脆脆嘅煎釀三寶又加青椒、連切到細細粒嘅日式甜咖哩飯同茄蕃雜菜湯入面都全部加青椒粒,目的係細細個開始要教佢不偏食,要健康均衡飲食。Karl坦言夏天同暑假係活動的大旺季,密密麻麻的工作日程導致無機會放假。睇到電視播出森美去日本旅遊團節目,好想九月之後偷出三、四日時間短赴日本築地市場食新鮮魚生同去溫泉渡假村浸溫泉。


0 次瀏覽

© 2013 KS Production HK

KSmediaHK由KS Production於2017創立,是香港本地娛樂的網絡新媒體頻道Online Media,提供最新最快第一手的娛樂資訊,藝人及名人專訪,明星活動採訪等,請各位觀眾多多支持!